കാസറഗോഡ്: കാസറഗോഡ് കടപ്പുറത്ത് തലയില്ലാത്ത മൃതദേഹം കണ്ടെത്തിയതില് ദുരൂഹത. കടലില് ഒഴുകിയെത്തിയത് പോസ്റ്റ്മോര്ട്ടം ചെയ്ത മൃതദേഹമാണെന്നതാണ് ദുരൂഹത വര്ധിപ്പിക്കുന്നത്. നേരത്തെ ഇൻക്വസ്റ്റ് നടപടികള്ക്കിടെ ശരീരത്തില് നെഞ്ചിലും വയറിലും മുറിവുകളും തുന്നലുകളും കണ്ടെത്തിയിരുന്നു.
പിന്നീട് പരിയാരം മെഡിക്കല് കോളേജില്വെച്ച് നടത്തിയ പോസ്റ്റ്മോർട്ടത്തിലാണ്, ഇത് മുമ്പ് പോസ്റ്റ്മോർട്ടം നടപടികളുടെ ഭാഗമായി ശസ്ത്രക്രിയ ചെയ്തതാണെന്ന് വ്യക്തമായത്. എന്നാല്, ഈ പോസ്റ്റ്മോർട്ടം കേരളത്തില് നടത്തിയതാകാൻ സാധ്യതയില്ലെന്നാണ് പോലീസിന് ലഭിക്കുന്ന സൂചന.
SUMMARY: Body washed ashore in Kasaragod bears wounds and stitches; indications suggest a prior post-mortem
