ബെംഗളൂരു: ഓഗസ്റ്റ് 16-ന് ഇന്ദിരാനഗറിലെ കൈരളി ഓഡിറ്റോറിയത്തിൽ നടക്കുന്ന സുരഭിലം ഗ്ലോബലിന്റെ മൂന്നാമത് സർഗസംഗമം–2026-ന്റെ വിശദമായ പരിപാടികളും സമയക്രമവും ഉൾക്കൊള്ളുന്ന ലഘുലേഖ ബെംഗളൂരു കേരളസമാജവും സുരഭിലം ഗ്ലോബലും സംയുക്തമായി പ്രകാശനം ചെയ്തു.
കൈരളി നികേതൻ സ്കൂളിൽ ചേർന്ന സംഘാടകസമിതി യോഗത്തിൽ കേരളസമാജം പ്രസിഡന്റ് എം. ഹനീഫ്, സുരഭിലം ഗ്ലോബൽ ചെയർമാൻ വിഷ്ണുമംഗലം കുമാർ, സ്ഥാപക ചെയർമാൻ എസ്. കെ. നായർ എന്നിവർ ചേർന്ന് ലഘുലേഖ പ്രകാശനം ചെയ്തു.
യോഗത്തിൽ ഡോ. സുഷമ ശങ്കർ തയ്യാറെടുപ്പുകൾ വിശദീകരിച്ചു. ‘സുരഭിലം–2 : 2026’ സാഹിത്യസമാഹാരത്തിന്റെ അച്ചടി ആരംഭിച്ചതായും, ഇന്ത്യയിലെയും വിദേശരാജ്യങ്ങളിലെയും 135 എഴുത്തുകാരുടെ രചനകൾ ഉൾപ്പെടുത്തിയിട്ടുണ്ടെന്നും അറിയിച്ചു. ആലങ്കോട് ലീലാകൃഷ്ണൻ, കവി കുരീപ്പുഴ ശ്രീകുമാർ, സുരേഷ് മണ്ണാറശാല, അനുരാധ നാലപ്പാട്, അനാമിക ഹരിപ്പാട് എന്നിവരുൾപ്പെടെയുള്ള പ്രമുഖ സാഹിത്യ-സാംസ്കാരിക വ്യക്തിത്വങ്ങൾ മുഖ്യാതിഥികളായി പങ്കെടുക്കും. രജിസ്ട്രേഷൻ, വേദിസജ്ജീകരണം, അതിഥിസ്വീകരണം, പ്രസിദ്ധീകരണം, വെബ്സൈറ്റ്, മറ്റ് സംഘാടക ഒരുക്കങ്ങൾ എന്നിവ സമയബന്ധിതമായി പൂർത്തിയാക്കാൻ യോഗത്തില്‍ തീരുമാനിച്ചു.
SUMMARY: Surabhilam Sargasangamam – 2026 Brochure Released
