പത്തനംതിട്ട: കോന്നി ആനത്താവളത്തില് ആനയുടെ ആക്രമണത്തില് പാപ്പാന് ദാരുണമായി കൊല്ലപ്പെട്ടു. കോന്നി ചേരിമുക്ക് പുളിക്കമണ്ണില് മോഹനന് നായര് (65) ആണ് പ്രിയദര്ശിനി എന്ന ആനയുടെ കുത്തേറ്റും ചവിട്ടേറ്റും മരിച്ചത്. ആനയുടെ തുമ്പിക്കൈയിലെ മുറിവില് മരുന്നുവച്ചു കെട്ടുന്നതിനിടെയായിരുന്നു അപ്രതീക്ഷിത ആക്രമണം.
രണ്ടു തവണ അടുത്തേക്ക് പോകാന് ശ്രമിച്ചതില് പ്രകോപിതയായി ആക്രമിച്ചതാകാമെന്നും അധികൃതര് പറയുന്നു. സ്ഥിരം പാപ്പാന് അല്ലാത്തതിനാല് ആക്രമിച്ചതാകാനാണ് സാധ്യതയെന്നാണ് നിഗമനം. ആക്രമണത്തില് പാപ്പന്റെ തലയ്ക്ക് അടിയേറ്റ് നിലത്ത് വീഴുകയായിരുന്നു. ആന തുമ്പിക്കൈ കൊണ്ട് പാപ്പാനെ അടിക്കുകയായിരുന്നു.
സംഭവം നടന്നയുടനെ അദ്ദേഹത്തെ കോന്നി താലൂക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മീന എന്ന മറ്റൊരു ആനയുടെ സ്ഥിരം പപ്പനാണ് മോഹനന്. സംഭവത്തില് വനം വകുപ്പില് നിന്ന് ഔദ്യോഗിക സ്ഥിരീകരണം ലഭിച്ചിട്ടില്ല. മൃതദേഹം കോന്നി താലൂക്ക് ആശുപത്രിയിലാണ്.
SUMMARY: Elephant kills father at Konni elephant sanctuary
