ബെംഗളൂരു: സർഗധാര സാംസ്കാരിക സമിതിയുടെ ആഭിമുഖ്യത്തിൽ വായനയുടെ കാണാപ്പുറങ്ങൾ സാഹിത്യ പരിപാടി സെപ്തംബര് ആറിന് ഉച്ചക്ക് 3 മണി മുതല് ജാലഹള്ളി കേരളസമാജം നോർത്ത് വെസ്റ്റ് ഹാളിൽ നടക്കും. എഴുത്തുകാരൻ സുധാകരൻ രാമന്തളി ഉദ്ഘാടനം ചെയ്യും. വായനയുടെ കാണാപ്പുറങ്ങൾ എന്ന വിഷയത്തില് പ്രശസ്ത നിരൂപക ഡോ. മിനി പ്രസാദ് മുഖ്യപ്രഭാഷണം നടത്തും. ബെംഗളൂരുവിലെ സാംസ്കാരികപ്രവർത്തകരും എഴുത്തുകാരും ചർച്ചയിൽ പങ്കെടുക്കും. കവിതാലാപനവും ഉണ്ടായിരിക്കും.
