സന: യെമനിലെ പ്രസിഡൻഷ്യൽ കൊട്ടാരത്തിന് നേരെ ഹൂതി ആക്രമണം. അഞ്ച് പേർ കൊല്ലപ്പെടുകയും 17 പേർക്ക് പരുക്കേൽക്കുകയും ചെയ്തു. ഏദനിലുള്ള അൽ-മാഷിഖ് പ്രസിഡൻഷ്യൽ കൊട്ടാരത്തിന് നേരെയാണ് ഹൂതികൾ മിസൈലാക്രമണം നടത്തിയത്. അഞ്ച് മിസൈലുകൾ ഉപയോഗിച്ചാണ് അൽ-മാഷിഖ് പ്രസിഡൻഷ്യൽ കൊട്ടാരത്തിന് നേരെ ഹൂതികൾ ആക്രമണം നടത്തിയതെന്ന് യെമൻ വാർത്താവിതരണ മന്ത്രി മുഅമ്മർ അൽ-ഇറിയാനി അറിയിച്ചു. യെമനീസ് മന്ത്രിസഭയിലെ എല്ലാ അംഗങ്ങളും സുരക്ഷിതരാണെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
ഹൂതികളും സൗദി അറേബ്യയും തമ്മിലുള്ള സംഘർഷം രൂക്ഷമാകുന്നതിനിടെയാണ് പുതിയ ആക്രമണം. സൗദി അറേബ്യയുടെ നേതൃത്വത്തിലുള്ള സഖ്യസേനയാണ് യെമൻ സർക്കാരിന് പിന്തുണ നൽകുന്നത്. സൗദി ഉദ്യോഗസ്ഥരുടെ നേതൃത്വത്തിലുള്ള സൈനിക ഓപ്പറേഷൻ ആസ്ഥാനവും ആയുധപ്പുരകളുമാണ് ലക്ഷ്യമിട്ടതെന്നാണ് ഹൂതി നിയന്ത്രണത്തിലുള്ള മാധ്യമങ്ങളുടെ റിപ്പോർട്ട്. ഏദനിലെ സൗദി സൈനിക വിന്യാസങ്ങളെ ലക്ഷ്യമിടുകയെന്ന തങ്ങളുടെ പ്രഖ്യാപിത നയത്തിന്റെ ഭാഗമായാണ് ആക്രമണം നടത്തിയതെന്ന് ഹൂതികളുടെ സൈനിക വക്താവ് യഹ്യ സരീഅ പറഞ്ഞു. സൗദി സൈനിക സന്നാഹങ്ങൾ എവിടെയുണ്ടായാലും അവയെ ലക്ഷ്യമിടുമെന്നും അദ്ദേഹം മുന്നറിയിപ്പ് നൽകി.
ഇതിനിടെ കഴിഞ്ഞ 24 മണിക്കൂറിനിടെ ഹൂതികൾക്കെതിരെ 1,250 ആക്രമണങ്ങൾ നടത്തിയെന്നാണ് യെമൻ സർക്കാർ സേന അവകാശപ്പെടുന്നത്. യെമനിൽ ഹൂതികളുടെ നിയന്ത്രണത്തിലുള്ള പ്രദേശങ്ങൾ തിരിച്ചുപിടിക്കുന്നതിനായി ആരംഭിച്ച ‘ഡോൺ ഓഫ് യെമൻ’ സൈനിക നീക്കത്തിന്റെ ഭാഗമായാണ് കഴിഞ്ഞ 24 മണിക്കൂറിനിടെ ഹൂതികൾക്കെതിരെ 1,250 ആക്രമണങ്ങൾ നടത്തിയെന്ന് യെമൻ സർക്കാർ സേന അവകാശപ്പെട്ടു.
SUMMARY: Houthi attack on the presidential palace in Yemen; four killed, 17 injured.
