ഡൽഹി: കോക്ക്റോച്ച്‌ ജനതാ പാർട്ടി നേതാക്കളായ സൗരവ് ദാസും അശുതോഷ് റാങ്കയും ഡല്‍ഹി ഹൈക്കോടതിയില്‍ നല്‍കിയ ഹർജി പിൻവലിച്ചു. തങ്ങളുടെ ജുഡീഷ്യല്‍ കസ്റ്റഡി നീട്ടിയ നടപടിയെ ചോദ്യം ചെയ്തുകൊണ്ടാണ് ഇവർ ഹൈക്കോടതിയെ സമീപിച്ചിരുന്നത്. സ്പെഷ്യല്‍ എക്സിക്യൂട്ടീവ് മജിസ്ട്രേറ്റ് കോടതിയില്‍ ഇതിനകം തന്നെ കേസ് പരിഗണനയിലുള്ളതിനാല്‍ ഹർജി പിൻവലിക്കാൻ കോടതി നിർദ്ദേശിക്കുകയായിരുന്നു. ഈ സാഹചര്യത്തിലാണ് നേതാക്കളുടെ അഭിഭാഷകൻ ഹർജി പിൻവലിക്കാൻ തയ്യാറായത്.
ജന്തർമന്തറില്‍ നടത്തിയ പ്രതിഷേധവുമായി ബന്ധപ്പെട്ട് സമാധാന ലംഘനം ആരോപിച്ചാണ് ഇവർക്കെതിരെ പോലീസ് നടപടി സ്വീകരിച്ചത്. ജാമ്യത്തിനായി ഹാജരാക്കിയ രേഖകളിലെ പൊരുത്തക്കേടുകള്‍ ചൂണ്ടിക്കാട്ടി കോടതി ഇവരുടെ കസ്റ്റഡി നീട്ടി നല്‍കുകയായിരുന്നു. നിയമവിരുദ്ധമായ കസ്റ്റഡി തുടരുന്നു എന്ന് ആരോപിച്ചാണ് നേതാക്കള്‍ ഹൈക്കോടതിയെ സമീപിച്ചത്. എന്നാല്‍ കീഴ്ക്കോടതി നടപടികള്‍ പുരോഗമിക്കുന്നതിനാല്‍ ഇപ്പോള്‍ ഹൈക്കോടതിയുടെ ഇടപെടല്‍ ആവശ്യമില്ലെന്ന് കോടതി വ്യക്തമാക്കുകയായിരുന്നു.
SUMMARY: High Court points to technical hurdle; Sourav Das and Ashutosh Rankaya withdraw petition against custody
