തിരുവനന്തപുരം: സംസ്ഥാനത്ത് സ്വർണവിലയില്‍ ഇന്ന് വൻ ഇടിവ് രേഖപ്പെടുത്തി. ഗ്രാമിന് 155 രൂപ കുറഞ്ഞ് 13,235 രൂപയും പവന് 1240 രൂപ കുറഞ്ഞ് വില 1,05,880 രൂപയുമായി. കഴിഞ്ഞ ഓഗസ്റ്റ് ആദ്യവാരത്തിന് ശേഷം രേഖപ്പെടുത്തുന്ന ഏറ്റവും താഴ്ന്ന വിലയാണിത്. ഈ മാസം പത്തിന് പവന്റെ വില 1,11,040 രൂപയായി ഉയർന്നിരുന്നു. വെള്ളിവില ഇന്ന് ഗ്രാമിന് അഞ്ച് രൂപ കുറഞ്ഞ് 225 രൂപയില്‍ എത്തി.
സൗദി അറേബ്യയെ ഉന്നമിട്ട് ഹൂതികള്‍ നടത്തുന്ന ആക്രമണങ്ങളും ഇറാനില്‍ തുടരുന്ന സ്ഫോടനങ്ങളും മൂലം ക്രൂഡോയില്‍ വില കുതിച്ചുകയറുന്നതാണ് സ്വർണത്തിന് തിരിച്ചടിയാകുന്നത്. രാജ്യാന്തര സ്വർണവില ഔണ്‍സിന് 4141 ഡോളറില്‍ നിന്ന് 4090 ഡോളറിലേക്ക് കൂപ്പുകുത്തി. ഇതോടെ കേരളത്തിലും വില കുറയുകയായിരുന്നു.
SUMMARY: Gold rate is decreased
