ബെംഗളൂരു: ശ്രീനാരായണ സമിതി നടത്തിയ സാമൂഹിക ദൈവദശകം പാരായണം ശ്രദ്ധേയമായി. അൾസൂരു ഗുരുമന്ദിരം ഓഡിറ്റോറിയത്തിൽ നടന്ന ചടങ്ങിൽ നൂറിൽപരം ആളുകൾ പങ്കെടുത്തു.
രാവിലെ ജനറൽ സെക്രട്ടറി എം കെ രാജേന്ദ്രന്റെ നേതൃത്വത്തിൽ നടന്ന വിദ്യാരംഭ ചടങ്ങോടെയായിരുന്നു തുടക്കം. സമിതി പ്രസിഡന്റ് എൻ രാജമോഹനൻ കുട്ടികൾക്ക് ആദ്യാക്ഷരം പകർന്നു നൽകി. തുടർന്ന് നടന്ന സരസ്വതി വന്ദനം ആഘോഷ പരിപാടികൾ പ്രശസ്ത സിനിമ-സീരിയൽ താരം മഞ്ജു കൊച്ചുമോൻ ഉദ്ഘാടനം ചെയ്തു.
ഗ്ലോബൽ ദേവദശകം പാരായണ യജ്ഞത്തിന്റെ ബെംഗളൂരു യൂണിറ്റിന്റെ ചെയർമാൻ അഡ്വക്കേറ്റ് ഇ കെ തങ്കപ്പൻ, ചീഫ് കോർഡിനേറ്റർ പൂജാരി മനോജ് കെ വിശ്വനാഥൻ എന്നിവർ പ്രസംഗിച്ചു. ശ്രീനാരായണ സമിതി പ്രസിഡന്റ് എൻ രാജമോഹനൻ, ജനറൽ സെക്രട്ടറി എം കെ രാജേന്ദ്രൻ, ട്രഷറർ ഏ ബി അനൂപ്, ജോയിന്റ് ട്രഷറർ ദീപാ അനിൽ,വനിതാ വിഭാഗം ചെയർപേഴ്സൺ വത്സല മോഹൻ, വൈസ് ചെയർപേഴ്സൺ ശ്രീജ സുഗതൻ, വൈസ് പ്രസിഡന്റ് അനിൽകുമാർ റ്റി കെ, ജോയിന്റ് സെക്രട്ടറി അജികുമാർ, അമ്പലം കമ്മിറ്റി ചെയർമാൻ ടി വി ചന്ദ്രൻ, വിശ്വംഭരൻ, അനിൽ എസ് പണിക്കർ, സിന്ധു സുധീഷ്,സോന, സലീലമോഹൻ, ഗിരിജ എസ്, രാജശ്രീ രാജമോഹനൻ, അനിത രാജേന്ദ്രൻ എന്നിവർ നേതൃത്വം നൽകി.
