അഞ്ച് കിലോ ഉരുളക്കിഴങ്ങ് കൈക്കൂലി ചോദിച്ചു; പോലീസ് ഉദ്യോഗസ്ഥന് സസ്പെൻഷൻ

ഉത്തർപ്രദേശ്: കേസ് കേസ് ഒത്തുതീർപ്പാക്കാൻ അഞ്ച് കിലോ ഉരുളക്കിഴങ്ങ് കൈക്കൂലി ആവശ്യപ്പെട്ട പോലീസ് ഉദ്യോഗസ്ഥന് സസ്പെൻഷൻ. സൗരിഖ് പോലീസ് സ്റ്റേഷനിൽ ചപ്പുന ഔട്ട്‌പോസ്റ്റിൻ്റെ ചുമതലയുള്ള സബ് ഇൻസ്‌പെക്ടർ ആനന്ദ് രാംകൃപാലിനാണ് സസ്പെൻഷൻ. സംഭവത്തിന്റെ ഓഡിയോ സമൂഹ മാധ്യമങ്ങളിൽ വൈറലായതിനെത്തുടർന്നാണ് നടപടി.

പ്രാദേശിക ഗുണ്ടാ നേതാവിൽ നിന്നാണ് ആനന്ദ് കൈക്കൂലി ആവശ്യപ്പെട്ടത്. കേസ് ഒത്തുതീർപ്പാക്കണമെങ്കിൽ അഞ്ച് കിലോ ഉരുളക്കിഴങ്ങ് നൽകണമെന്നും ഇല്ലെങ്കിൽ കേസിൽ നിന്നും ഒഴിവാക്കില്ലെന്നുമായിരുന്നു ആനന്ദ് പറഞ്ഞത്. ഗുണ്ട നേതാവ് ഇതിന്റെ ഓഡിയോ റെക്കോർഡ് ചെയ്യുകയും സമൂഹ മാധ്യമങ്ങളിൽ പ്രചരിപ്പിക്കുകയുമായിരുന്നു.

ആനന്ദ് കൈക്കൂലി വാങ്ങാൻ ശ്രമിക്കുന്നതായി ഓഡിയോയിൽ നിന്ന് വ്യക്തമാണെന്ന് കനൗജ് അഡീഷണൽ പോലീസ് സൂപ്രണ്ട് അജയ് കുമാർ പറഞ്ഞു. സംഭവത്തിൽ ആഭ്യന്തര അന്വേഷണം പുരോഗമിക്കുന്നുണ്ടെന്നും അദ്ദേഹം പറഞ്ഞു.

TAGS: UTTARPRADESH | SUSPENSION
SUMMARY: Cop demands 5 kg potatoes as ‘bribe’, suspended after audio goes viral