ബെംഗളൂരു: ബെംഗളൂരുവിലും വടക്കൻ കർണാടക ജില്ലകളിൽ അടുത്ത നാല് ദിവസത്തേക്ക് ശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ബെംഗളൂരുവിൽ ഒക്ടോബർ എട്ട് വരെ ഒറ്റപ്പെട്ട കനത്ത മഴയ്ക്ക് സാധ്യതയുണ്ട്. കഴിഞ്ഞ വർഷത്തെ അപേക്ഷിച്ച് ഇത്തവണ നഗരത്തിൽ 11 ശതമാനം കുറവ് മഴയാണ് രേഖപ്പെടുത്തിയത്.
ഒക്ടോബർ മാസത്തിന്റെ തുടക്കത്തിൽ 136 മില്ലിമീറ്റർ മഴ ലഭിക്കേണ്ടിടത്ത്, ഇതുവരെ വെറും 52 മില്ലിമീറ്റർ മാത്രം മഴയാണ് ലഭിച്ചത്. വടക്കൻ കർണാടക ജില്ലകളിൽ സെപ്റ്റംബറിൽ 27 ശതമാനം കുറവ് മഴയാണ് ലഭിച്ചത്. മുൻ വർഷം സെപ്റ്റംബറിൽ 142 മില്ലിമീറ്റർ മഴ ലഭിച്ചിരുന്നു. തീരദേശ കർണാടകയിൽ സെപ്റ്റംബറിൽ 427 മില്ലിമീറ്റർ മഴ ലഭിച്ചു, സാധാരണ 304 മില്ലിമീറ്റർ മഴയാണ് ലഭിക്കാറുള്ളത്. ഈ വർഷം 40 ശതമാനം അധിക മഴ ലഭിച്ചിട്ടുണ്ട്. മലനാട് മേഖലയിൽ 180 മില്ലിമീറ്റർ മഴ ലഭിച്ചിട്ടുണ്ട്.
TAGS: BENGALURU | RAIN
SUMMARY: Bengaluru to witness heavy rains till four days
