ബെംഗളൂരു: ബെംഗളൂരുവിൽ ബേക്കറി ഉടമകളെ ഭീഷണിപ്പെടുത്തി പണം തട്ടിയ യൂട്യൂബർ പിടിയിൽ. ബൊമ്മനഹള്ളിയിലെ യൂട്യൂബർ ഷാഫിയാണ് അറസ്റ്റിലായത്. ശുചിത്വം പാലിക്കാത്തതിന് ബിബിഎംപിയെ അറിയിക്കുമെന്ന് ഭീഷണിപ്പെടുത്തിയാണ് ഷാഫി ബേക്കറി ഉടമകളിൽ നിന്നും പണം വാങ്ങിയിരുന്നത്.
ഇതുവരെ 50ഓളം ബേക്കറി ഉടമകളെ ഭീഷണിപ്പെടുത്തി 50,000 രൂപയാണ് ഇയാൾ തട്ടിയെടുത്തതെന്ന് പോലീസ് പറഞ്ഞു. ബിബിഎംപിയിൽ പരാതി നൽകിയാൽ അവരുടെ ട്രേഡ് ലൈസൻസ് റദ്ദാക്കുമെന്നും ഇയാൾ ഭീഷണിപ്പെടുത്തിയിരുന്നു.
പ്രജാപര എന്നതാണ് ഷാഫിയുടെ യൂട്യൂബ് ചാനൽ. കഴിഞ്ഞ ദിവസം ഹുളിമാവ് അക്ഷയ് നഗറിലെ ബേക്കറിയിലെത്തി ഉടമയിൽ നിന്നും ഇയാൾ 10,000 രൂപ ആവശ്യപ്പെട്ടിരുന്നു. ഇതിന്റെ സിസിടിവി ദൃശ്യങ്ങൾ സഹിതം ഉടമ രമേഷ് പോലീസിൽ പരാതി നൽകി. ഇതോടെയാണ് സംഭവം പുറത്തറിയുന്നത്.
TAGS: BENGALURU | ARREST
SUMMARY: YouTuber arrested for threatening bakery owners in Bengaluru
