ന്യൂഡൽഹി: വാണിജ്യ ഉപയോഗത്തിനുള്ള പാചകവാതക സിലിണ്ടറിന്റെ വില വര്‍ധിപ്പിച്ചു. 19 കിലോ സിലിന്‍ഡറിന് 16.50 രൂപയാണ് വര്‍ധിപ്പിച്ചത്. തുടര്‍ച്ചയായ അഞ്ചാം മാസമാണ് വിലവര്‍ധന. കേരളത്തില്‍ 17 രൂപയുടെ വര്‍ധനവുണ്ടാകും. പുതിയ വില ഇന്ന് മുതല്‍ പ്രാബല്യത്തില്‍ വരും. ഇതോടെ സംസ്ഥാനത്തെ വാണിജ്യ സിലിന്‍ഡറിന്റെ വില 1,827 ആയി.
ചെന്നൈയില്‍ 1980.5 രൂപയായി വില വർധിച്ചിട്ടുണ്ട്. എന്നാല്‍ ഗാർഹികാവശ്യത്തിനുള്ള സിലിണ്ടർ വിലയില്‍ മാറ്റമുണ്ടായിട്ടില്ല. ഗാർഹിക ഗ്യാസ് സിലിണ്ടറിൻ്റെ വില 2023 ഓഗസ്റ്റില്‍ സർക്കാർ 100 രൂപ കുറച്ചിരുന്നു. അതിനുശേഷം അതിൻ്റെ വിലയില്‍ വർധനയുണ്ടായിട്ടില്ല.
സബ്‌സിഡിയില്ലാത്ത ഗ്യാസ് സിലിണ്ടറിൻ്റെ വില നിലവില്‍ ഡല്‍ഹിയില്‍ 803.00 രൂപയ്ക്കും കൊല്‍ക്കത്തയില്‍ 829.00 രൂപയ്ക്കും മുംബൈയില്‍ 802.50 രൂപയ്ക്കും ചെന്നൈയില്‍ 818.50 രൂപയ്ക്കും ലഭ്യമാണ്. ഉജ്ജ്വല ഗുണഭോക്താക്കള്‍ക്ക് ഈ സിലിണ്ടറിന് 300 രൂപ സബ്‌സിഡി ലഭിക്കും.
TAGS : GAS CYLINDER
SUMMARY : Cooking gas price hiked again
WhatsApp
Telegram
