ബെംഗളൂരു: ബെംഗളൂരു കെംപെഗൗഡ രാജ്യാന്തര വിമാനത്താവളം, ബെംഗളൂരു – മൈസൂര് എക്സ്പ്രസ് വേ, സാറ്റലൈറ്റ് റിങ് റോഡ് തുടങ്ങിയ പ്രധാന റോഡുകളിലൂടെയുള്ള യാത്രയ്ക്ക് ഇനി ചെലവേറും. ഏപ്രിൽ ഒന്ന് മുതൽ ടോൾ നിരക്ക് വർധിപ്പിക്കുമെന്ന് ദേശീയ പാത വികസന അതോറിറ്റി (എൻഎച്ച്എഐ) ഉദ്യോഗസ്ഥർ വ്യക്തമാക്കി. ഇതുമായി ബന്ധപ്പെട്ട ഔദ്യോഗിക ഉത്തരവ് ഉടനുണ്ടാകും.
ബെംഗളൂരു വിമാനത്താവളത്തിലേക്ക്) പോകുന്ന സദഹള്ളി റൂട്ടിലെ ടോൾ പ്ലാസയിലാണ് അധിക നിരക്ക് കൊടുക്കേണ്ടത്. കാറുകൾ, ജീപ്പുകൾ, ലൈറ്റ് മോട്ടോർ വാഹനങ്ങൾ എന്നിവയുടെ പുതിയ നിരക്ക് 120 രൂപയായിരിക്കും. നേരത്തെ ഇത് 115 രൂപയായിരുന്നു. മടക്കയാത്രയ്ക്ക് ടോൾ 170 ല് നിന്ന് 180 ആയും ഉയർത്തും. ലൈറ്റ് കൊമേഴ്സ്യൽ കാറുകളും മിനിബസുകളും ഒറ്റ യാത്രയ്ക്ക് 185 രൂപ, മടക്ക യാത്രയ്ക്ക് 275 രൂപയും ടോൾ ഇനത്തിൽ അടക്കണം. വാനുകളും ബസുകൾക്കും ഒരു വശത്തേക്കുള്ള യാത്രയ്ക്ക് 370 രൂപയും, റൗണ്ട് ട്രിപ്പ് യാത്രയ്ക്ക് 550 രൂപയും നൽകണം. 15 രൂപ വീതമാണ് വർധനവ്.
കൂടാതെ പ്രതിമാസ ടോൾ നിരക്കിലും വ്യത്യാസം വന്നിട്ടുണ്ട്. 3835 രൂപയിൽ നിന്ന് 3970 രൂപയായാണ് ഉയർത്തിയിരിക്കുന്നത്. 50 യാത്രകളാണ് പ്രതിമാസ പാസ് ഉപയോഗിച്ച് നടത്താൻ സാധിക്കുക. ബെംഗളൂരു – മൈസൂരു എക്സ്പ്രസ് വേയിൽ വാഹനങ്ങൾക്കനുസരിച്ച് അഞ്ച് മുതൽ പത്ത് രൂപ വരെയാണ് ടോൾ നിരക്ക് അധികമായി ചാർജ് ചെയ്യുക. ട്രക്കുകളുടെയും ബസുകളുടെയും ഒറ്റത്തവണ യാത്രാ നിരക്ക് 355 രൂപയിൽ നിന്ന് 370 രൂപയായും മടക്ക യാത്രാ നിരക്ക് 535 ൽ നിന്ന് 550 രൂപയായും ആയും പ്രതിമാസ പാസിന്റെ വില 11,845 രൂപയില് നിന്ന് 12,265 രൂപയായും വർധിച്ചു.
ഇതുകൂടാതെ, സാറ്റലൈറ്റ് ടൗൺ റിംഗ് റോഡ്, ബെംഗളൂരു-തിരുപ്പതി ഹൈവേ, ബെംഗളൂരു-ഹൈദരാബാദ് ഹൈവേ എന്നീ റൂട്ടുകളിലും ടോൾ നിരക്ക് വര്ധനവ് ബാധിക്കും, ഒറ്റ യാത്രാ നിരക്ക് 175 രൂപയിൽ നിന്ന് 185 ആയും മടക്ക യാത്രാ നിരക്ക് 265 ൽ നിന്ന് 275 രൂപ ആയും കൂടി. പ്രതിമാസ പാസിന്റെ നിരക്ക് 5,890 രൂപയിൽ നിന്ന് 6,100 ആയുമാണ് പരിഷ്കരിക്കുന്നത്.
TAGS: BENGALURU | TOLL
SUMMARY: State to have higher toll rates from april 1
