ഐപിഎൽ; ഹൈദരാബാദിന്റെ ബാറ്റിങ് നിരയെ പിടിച്ചുനിർത്തി മുംബൈ

വാങ്കഡെ: സണ്‍റൈസേഴ്‌സ് ഹൈദരാബാദിന്റെ വെടിക്കെട്ട് ബാറ്റിങ് നിരയെ ബൗളിങില്‍ പിടിച്ച് നിർത്തി മുംബൈ ഇന്ത്യന്‍സ് ടീം. ഐപിഎല്ലില്‍ ആദ്യം ബാറ്റ് ചെയ്ത സണ്‍റൈസേഴ്‌സ് 20 ഓവറില്‍ 5 വിക്കറ്റ് നഷ്ടത്തില്‍ 162 റണ്‍സ് സ്വന്തമാക്കി. മുംബൈക്ക് ജയിക്കാൻ 163 റൺസ് വേണം. അഭിഷേക് ശര്‍മ, ട്രാവിസ് ഹെഡ്, ഹെയ്ന്റിച് ക്ലാസന്‍, അനികേത് വര്‍മ, പാറ്റ് കമ്മിന്‍സ് എന്നിവര്‍ ചേര്‍ന്നാണ് എസ്ആര്‍എചിനെ കൂറ്റൻ സ്‌കോറിലെത്തിച്ചത്.

അഭിഷേക് 28 പന്തില്‍ 7 ഫോറുകള്‍ സഹിതം 40 റണ്‍സെടുത്തു. ഹെഡ് 28 റണ്‍സെടുത്തു മടങ്ങി. 29 പന്തുകള്‍ നേരിട്ടാണ് ഹെഡ് 28 എടുത്തത്. ക്ലാസനാണ് അതിവേഗം റണ്‍സടിച്ച് സ്‌കോര്‍ കയറ്റിയത്. താരം 28 പന്തില്‍ 2 സിക്‌സും 3 ഫോറും സഹിതം 37 റണ്‍സ് കണ്ടെത്തി. 8 പന്തില്‍ 2 സിക്‌സുകളടക്കം 18 റണ്‍സെടുത്താണ് അനികേത് നിര്‍ണായക ബാറ്റിങ് പുറത്തെടുത്തത്. മുംബൈക്ക് വേണ്ടി വില്‍ ജാക്‌സ് 3 ഓവറില്‍ 14 റണ്‍സ് മാത്രം വഴങ്ങി 2 വിക്കറ്റെടുത്തു. ട്രെന്‍ഡ് ബോള്‍ട്ട്, ജസ്പ്രിത് ബുംറ, ഹര്‍ദിക് പാണ്ഡ്യ എന്നിവര്‍ ഓരോ വിക്കറ്റെടുത്തു.

TAGS: SPORTS | IPL
SUMMARY: Mumbai Indians need 163 for win against SRH