മംഗളൂരു: സൂറത്കല്‍ മധ്യയിൽ സ്വകാര്യ ബസുകൾ തമ്മിൽ നേര്‍ക്കുന്നേര്‍ കൂട്ടിയിടിച്ച് 14 വിദ്യാർഥികൾ ഉൾപ്പെടെ 25 പേർക്ക് പരുക്കേറ്റു. ബുധനാഴ്ച രാവിലെ 9 മണിയോടെ മധ്യ വാല്മീകി റസിഡൻഷ്യൽ സ്കൂളിന് സമീപത്ത് വെച്ചാണ് അപകടം. പരുക്കേറ്റ നാലുപേരുടെ നില ഗുരുതരമാണ്.
ചെല്ലാറുവിലേക്ക് പോവുകയായിരുന്ന ബസില്‍ എതിരെ ദിശ തെറ്റിച്ചു വന്ന മറ്റൊരു ബസ് കൂട്ടിയിടിക്കുകയായിരുന്നു. പരുക്കേറ്റരെ സമീപത്തുള്ള ആശുപത്രിയിൽ പ്രവേശിപ്പിച്ചു. പ്രദേശവാസികളും പോലീസ് ഉദ്യോഗസ്ഥരും ചേർന്നാണ് രക്ഷാപ്രവർത്തനം നടത്തിയത്. ബസിന്റെ സ്റ്റിയറിങ് തകരാറാണ് അപകടത്തിന് കാരണമെന്നാണ് പ്രാഥമിക നിഗമനം. സംഭവത്തിൽ മംഗളൂരു നോർത്ത് ട്രാഫിക് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
SUMMARY: Bus accident in Mangaluru. 25 people including 14 students injured
WhatsApp
Telegram
