ബെംഗളൂരുവിൽ ഒരു ലക്ഷം കോടി രൂപയുടെ പദ്ധതികൾ നടപ്പിലാക്കും; ഡി.കെ. ശിവകുമാർ

ബെംഗളൂരു: നഗരത്തിൽ അടുത്ത 5 വർഷത്തിനുള്ളിൽ ഒരു ലക്ഷം കോടി രൂപയുടെ അടിസ്ഥാന സൗകര്യ വികസന പദ്ധതികൾ നടപ്പിലാക്കുമെന്ന് ഉപമുഖ്യമന്ത്രി ഡി.കെ. ശിവകുമാർ പ്രഖ്യാപിച്ചു. ഡബിൾ ഡെക്കർ മേൽപാലങ്ങളും 40 കിലോമീറ്റർ തുരങ്ക റോഡും നിർമിക്കും. ഒപ്പം കോടതികൾക്കു സമീപം ബഹുനില പാർക്കിങ് മന്ദിരം നിർമിക്കും.
നഗരത്തിലെ ഗതാഗത കുരുക്കിനു ചെറിയ തോതിൽ പരിഹാരം കാണാനായിട്ടുണ്ട്. എന്നാൽ കെആർപുരം, ഹെബ്ബാൾ, ഗൊരകുണ്ഡെപാളയ, ഇലക്ട്രോണിക്സിറ്റി ജംക്ഷനുകളിൽ ഗതാഗത കുരുക്ക് തുടരുകയാണ്. അടിസ്ഥാന സൗകര്യ വികസന പദ്ധതികൾ നടപ്പിലാക്കുന്നതോടെ ഇതിനു പരിഹാരം കാണാനാകുമെന്നും അദ്ദേഹം പറഞ്ഞു.

SUMMARY: D.K. Shivakumar announces Rs 1 lakh crore infrastructure plan over the next five years.