ഒസ്ലോ: ഈ വര്ഷത്തെ സമാധാനത്തിനുള്ള നൊബേല് വെനിസ്വേലയിലെ പ്രതിപക്ഷ നേതാവും ജനാധിപത്യ പ്രവര്ത്തകയുമായ മരിയ കൊറീന മചാഡോയ്ക്ക്. ‘വെനിസ്വേലയിലെ ജനങ്ങളുടെ ജനാധിപത്യ അവകാശങ്ങള് പ്രോത്സാഹിപ്പിക്കുന്നതിനുള്ള അവരുടെ അക്ഷീണ പ്രയത്നത്തിനും സ്വേച്ഛാധിപത്യത്തില്നിന്ന് ജനാധിപത്യത്തിലേക്ക് നീതിയുക്തവും സമാധാനപരവുമായ ഒരു മാറ്റം കൈവരിക്കുന്നതിനുള്ള പോരാട്ടത്തിനുമാണ് അവര്ക്ക് സമാധാനത്തിനുള്ള നോബല് പുരസ്കാരം നല്കുന്നത്’, എന്ന് നൊബേല് കമ്മിറ്റി അറിയിച്ചു.
വളര്ന്നുവരുന്ന അന്ധകാരത്തിനിടയില് ജനാധിപത്യത്തിന്റെ ദീപശിഖ അണയാതെ കാക്കുന്ന, ധീരയും പ്രതിബദ്ധതയുമുള്ള സമാധാനത്തിന്റെ വക്താവിനാണ് 2025-ലെ പുരസ്കാരമെന്നും നൊബേല് കമ്മിറ്റി വ്യക്തമാക്കി.
യുഎസ് പ്രസിഡന്റ് ഡൊണാള്ഡ് ട്രംപിന് നിരാശ നല്കുന്നതാണ് ഈ പ്രഖ്യാപനം. സമാധാന നൊബേലിന് തന്റെയത്ര അര്ഹത മറ്റാര്ക്കുമില്ലെന്ന വാദം ട്രംപ് നിരന്തരം ആവര്ത്തിച്ചിരുന്നു.
SUMMARY: Nobel Peace Prize goes to Maria Corina Machado
