ബെംഗളുരു: നമ്മ മെട്രോയുടെ യെലോ ലൈനിൽ (ആർ വി റോഡ് മുതല് ബൊമ്മസന്ദ്ര വരെയുള്ള പാത) തിങ്കളാഴ്ചകളിൽ രാവിലെ 5.05 നും 5.35 നും സർവീസ് നടത്തുമെന്ന് ബിഎംആർസിഎല്(ബാംഗ്ലൂർ മെട്രോ റെയിൽ കോർപറേഷൻ)അറിയിച്ചു. ആർവി റോഡിൽ നിന്നും ബൊമ്മസന്ദ്രയിൽ നിന്നും ഇരുഭാഗത്തേക്കും ഈ സമയം ട്രെയിനുണ്ടാകും. മറ്റു ദിവസങ്ങളിൽ പതിവു പോലെ രാവിലെ 6നും ഞായറാഴ്ചകളിൽ 7നുമാകും ആദ്യ സർവീസ്.തിങ്കളാഴ്ചകളിൽ രാവിലെ യാത്രക്കാരുടെ തിരക്ക് അനുഭവപ്പെടുന്നതിനാലാണ് നേരത്തേ സർവീസ് ആരംഭിക്കുന്നത്.
