ഫിലീപ്പീൻസിൽ മാലിന്യ സംസ്കരണത്തിനീയി കൂട്ടിയിട്ട മാലിന്യം ഇടിഞ്ഞുണ്ടായ അപകടത്തിൽ 11പേർ മരിച്ചു. മാലിന്യക്കൂമ്പാരത്തിനടയിൽ 20 പേരെ കാണാതാകുകയും ചെയ്തു. ഇവരെ ജീവനോടെ കണ്ടെത്താൻ സാധ്യതയില്ലെന്ന് കരുതുന്നതായി അധികൃതർ അറിയിച്ചു.
സെബു നഗരത്തിലെ ബിനാലിവ് ഗ്രാമത്തിൽ വ്യാഴാഴ്ച ഉച്ചകഴിഞ്ഞാണ് അപകടമുണ്ടായത്. ലാൻഡ്ഫില്ലിലെ തൊഴിലാളികളാണ് അപകടത്തിൽപ്പെട്ടവർ ഏറെയും.പ്രദേശത്തെ ചെറിയ കെട്ടിടങ്ങൾക്ക് മുകളിലേക്കായിരുന്നു മാലിന്യക്കൂമ്പാരം ഇടിഞ്ഞ് വീണത്. അപകട സമയത്ത് 100 ലധികം തൊഴിലാളികൾ സ്ഥലത്തുണ്ടായിരുന്നു. “ടൺ കണക്കിന് അവശിഷ്ടങ്ങൾ അവരുടെ മേൽ ഇടിഞ്ഞുവീണു മൂന്ന് ദിവസത്തിന് ശേഷവും തെരച്ചിൽ തുടരുകയാണെന്ന് ഒരു പ്രാദേശിക അഗ്നിശമന ഉദ്യോഗസ്ഥൻ ന്യൂസ് ഏജൻസികളോട് പറഞ്ഞു.
ഫിലിപ്പീൻസിലെ ദ്വീപുകളിലെ ലാൻഡ്ഫില്ലുകളിലാണ് മാലിന്യങ്ങൾ നിക്ഷേപിക്കുന്നത്.ഓപ്പറേറ്ററായ പ്രൈം ഇന്റഗ്രേറ്റഡ് വേസ്റ്റ് സൊല്യൂഷൻസ് ഇൻകോർപ്പറേറ്റഡിനോട് സര്ക്കാര് വിശദീകരണം തേടിയിരിക്കയാണ്.
ബിനാലിവ് ലാൻഡ്ഫിൽ 20ഹെക്ടർ (49ഏക്കർ)വിസ്തൃതിയുള്ളതാണ്. അതിൽ മൂന്ന് ഹെക്ടർ വിസ്തൃതിയുള്ള മാലിന്യമലയാണ് ഇടിഞ്ഞത്.
SUMMARY: Garbage dump collapses in Philippines: 11 dead, 20 missing
