തിരുനന്തപുരം: മുൻ സിപിഎം എംഎല്എ ഐഷ പോറ്റി കോണ്ഗ്രസില് ചേർന്നു. യുഡിഎഫ് സഹകരണ ചർച്ചകള്ക്കിടെ ഐഷാ പോറ്റി കോണ്ഗ്രസ് വേദിയിലെത്തി അപ്രതീക്ഷിതമായാണ് ഐഷ പോറ്റി അംഗത്വം സ്വീകരിച്ചത്. പ്രതിപക്ഷ നേതാവ് വിഡി സതീശൻ ഐഷ പോറ്റിയെ സ്വീകരിച്ചു.
ഇന്നലെ രാത്രി പ്രതിപക്ഷ നേതാവ് വിഡി സതീശനുമായി നടത്തിയ കൂടിക്കാഴ്ചയിലാണ് ഐഷ പോറ്റി കോണ്ഗ്രസിലെത്തുന്നതില് ധാരണയായത്. വരുന്ന നിയമസഭാ തിരഞ്ഞെടുപ്പില് ഐഷ പോറ്റി കൊട്ടാരക്കരയില് യുഡിഎഫ് സ്ഥാനാർഥിയാകുമെന്നാണ് വിവരം.
കുറച്ച് കാലങ്ങളായി പാര്ട്ടി പരിപാടികളില് നിന്ന് വിട്ടുനില്ക്കുകയായിരുന്നു. ഒന്നും ചെയ്യാനാകാതെ പാര്ട്ടിയില് നില്ക്കാനാകില്ലെന്നും. ഓടി നടന്നു ചെയ്യാന് കഴിയുന്നവര് തുടരട്ടെയെന്നുമായിരുന്നു മുൻ നിലപാട്. പാര്ട്ടി പ്രവര്ത്തനങ്ങളില് സജീവമല്ലെന്നു കാട്ടി സി.പി.എം. കൊട്ടാരക്കര ഏരിയ കമ്മിറ്റിയില് നിന്ന് ഐഷ പോറ്റിയെ ഒഴിവാക്കിയിരുന്നു.
ഏരിയ സമ്മേളനത്തില്നിന്നു വിട്ടുനിന്ന ഐഷ പോറ്റി ഏറെനാളായി നേതൃത്വവുമായി അകല്ച്ചയിലാണ്. തിരഞ്ഞെടുപ്പിനു ശേഷം പാര്ട്ടി അവഗണന കാട്ടുന്നതായി പരാതി ഉയര്ന്നിരുന്നു. മൂന്നുതവണ എംഎല്എയായിരുന്ന അയിഷ പോറ്റിയുടെ കോണ്ഗ്രസ് പ്രവേശനം സിപിഎമ്മിന് വൻ തിരിച്ചടിയാണ്. കെപിസിസി പ്രസിഡൻ്റ് സണ്ണി ജോസഫ് മെമ്പർഷിപ്പ് കൈമാറി.
SUMMARY: CPI(M) ends three-decade-long association; former MLA Aisha Potti joins Congress
WhatsApp
Telegram
