കൊച്ചി: കോതമംഗലത്തിന് സമീപം പൈങ്ങോട്ടൂരില് സ്കൂള് വിദ്യാർഥിക്ക് സമപ്രായക്കാരുടെ ക്രൂര മർദ്ദനം. നാലു പേർ ചേർന്നാണ് വിദ്യാർഥിയെ ക്രൂരമായി മർദ്ദിച്ചത്. സംഭവത്തിന്റെ വിഡിയോ പുറത്തു വന്നതോടെ കേസെടുത്ത് പോലീസ്. പോത്താനിക്കാട് പോലീസ് നാലു പേർക്കുമെതിരെ ജുവനൈല് ജസ്റ്റിസ് നിയമത്തിലെ 325ാം വകുപ്പു പ്രകാരമാണ് കേസെടുത്തത്.
നാലു പേരെയും ഇവരുടെ മാതാപിതാക്കളെയും ഇന്നു രാവിലെ വിളിപ്പിച്ച് മൊഴി രേഖപ്പെടുത്തിയ ശേഷമാണ് നടപടി. ജുവനൈല് ജസ്റ്റിസ് ബോര്ഡ് മുമ്പാകെ പോലീസ് നല്കുന്ന റിപ്പോർട്ടിന്റെ അടിസ്ഥാനത്തില് മർദിച്ചവരെ വിളിപ്പിക്കും. കോതമംഗലത്തിനടുത്ത് പൈങ്ങോട്ടൂരില് വിദ്യാർഥിയായ 15കാരനാണ് ക്രൂരമർദനത്തിന് ഇരയായത്. ഒരാഴ്ച മുമ്പാണ് സംഭവം. പൈങ്ങോട്ടൂർ ബസ് സ്റ്റാന്ഡിനു സമീപം ഉപയോഗിക്കാതെ കിടക്കുന്ന പോലീസ് എയ്ഡ് പോസ്റ്റിനുള്ളില് വച്ചായിരുന്നു മർദനം.
SUMMARY: 15-year-old beaten up by four boys; police register case
