ഓടിക്കൊണ്ടിരുന്ന മാരുതി വാൻ തീപിടിച്ചു കത്തിനശിച്ചു

കോട്ടയം: കോട്ടയം പെരുവ ഇലഞ്ഞി റോഡില്‍ ഓടിക്കൊണ്ടിരുന്ന മാരുതി വാൻ തീപിടിച്ചു കത്തിനശിച്ചു. പെരുമ്പടവം സ്വദേശി കിഴക്കേപറമ്പില്‍ മോഹന്‍ദാസിന്റെ വാഹനമാണു കത്തി നശിച്ചത്. പെരുവ ഇലഞ്ഞി റോഡില്‍ മറ്റപ്പള്ളിക്കുന്നു വാട്ടര്‍ ടാങ്കിനു സമീപമാണ് അപകടം. വാഹനം പൂര്‍ണമായും കത്തി നശിച്ചു.

തീ പിടിക്കുന്നതു കണ്ടു വാഹനം ഓടിച്ചിരുന്ന മോഹന്റെ മകന്‍ വണ്ടി നിര്‍ത്തി പുറത്തിറങ്ങുകയായിരുന്നു. മകന് കൈക്ക് ചെറിയ പൊള്ളല്‍ ഉണ്ടായിട്ടുണ്ട്. പലഹാരം ഉണ്ടാക്കി കടകളില്‍ വിതരണം ചെയ്യാന്‍ ഉപയോഗിച്ചിരുന്നതാണു വാഹനം. പലഹാരം ഉണ്ടാക്കുന്നതിനു വേണ്ടി അരി പൊടിച്ചുകൊണ്ടു വരുന്ന വഴിയാണു കത്തി നശിച്ചത്. കടത്തുരുത്തിയില്‍ നിന്നും ഫയര്‍ഫോഴ്‌സ് സംഘം എത്തി തീയണച്ചു.

SUMMARY: A running Maruti van caught fire and was gutted