ന്യൂഡൽഹി: ഇന്ത്യയിൽ അഞ്ചാമത്തെ റീട്ടെയിൽ സ്റ്റോർ ആരംഭിക്കാനൊരുങ്ങി ആപ്പിൾ. ഇന്ത്യയിൽ ഇതിനകം ആപ്പിൾ നേരിട്ട് നടത്തുന്ന നാല് റീട്ടെയിൽ സ്റ്റോറുകളാണുള്ളത്. ഇതിൽ പുണെ, ബെംഗളൂരു എന്നിവിടങ്ങളിലുള്ള ആപ്പിൾ സ്റ്റോറുകൾ അടുത്തിടെയാണ് പ്രവർത്തനം ആരംഭിച്ചത്. മുംബൈയിലും ഡൽഹിയിലുമാണ് മറ്റുള്ളവ. ഉത്തർപ്രദേശിലെ നോയിഡയിലുള്ള സാകേത് ഡിഎൽഎഫ് മാൾ ഓഫ് ഇന്ത്യയിലാണ് അഞ്ചാമത്തെ ആപ്പിൾ റീട്ടെയിൽ സ്റ്റോർ ആരംഭിക്കുന്നത്. 2025 ഡിസംബർ 11 ഉച്ചയ്ക്ക് 11 ന് സ്റ്റോർ പ്രവർത്തനം ആരംഭിക്കും.
“രാജ്യത്ത് ആപ്പിളിന്റെ നിലവിലുള്ള റീട്ടെയിൽ വികസനത്തിലെ മറ്റൊരു നാഴികക്കല്ലാണ് ഈ ഉദ്ഘാടനം. ഈ ആപ്പിൾ സ്റ്റോർ വഴി കമ്പനിയുടെ സേവനങ്ങൾ ഉപഭോക്താക്കൾക്ക് നേരിട്ട് ലഭ്യമാകും. ഐഫോണുകൾ, മാക് കമ്പ്യൂട്ടറുകൾ ഉൾപ്പെടെ ആപ്പിളിന്റെ എല്ലാ ഉൽപ്പന്നങ്ങളും സേവനങ്ങളും ഇവിടെ ലഭിക്കും. ഇത് ഉപഭോക്താക്കൾക്ക് ആപ്പിൾ ഉൽപ്പന്നങ്ങൾ വാങ്ങാനും ആപ്പിളിന്റെ സേവനം നേരിട്ട് അനുഭവിക്കാനും ഇത് സഹായിക്കുന്നു, ആപ്പിളിന്റെ സ്വന്തം സാങ്കേതിക വിദഗ്ധരും ഇവിടെയുണ്ടാവും. ” കമ്പനി പ്രസ്താവനയിൽ പറഞ്ഞു.
ഇന്ത്യയിൽ ആപ്പിളിന്റെ വിൽപ്പന വർദ്ധിച്ചുവരുന്ന സാഹചര്യത്തിലാണ് ആപ്പിളിന്റെ അഞ്ചാമത്തെ സ്റ്റോർ വരുന്നത്. രാജ്യത്തുടനീളം കൂടുതൽ സ്റ്റോറുകൾ ആരംഭിക്കാനാണ് ആപ്പിളിന്റെ പദ്ധതിയെന്ന് ഇതിൽനിന്ന് വ്യക്തമാണ്. കൊൽക്കത്ത, അഹമ്മദാബാദ്, ചെന്നൈ, കൊച്ചി പോലുള്ള പ്രധാന നഗരങ്ങളിൽ വൈകാതെ തന്നെ ആപ്പിൾ സ്റ്റോർ വന്നേക്കാം. ഈ കലണ്ടർ വർഷം രാജ്യത്ത് 15.5 ദശലക്ഷം ഐഫോണുകൾ വിൽക്കുമെന്നാണ് പ്രതീക്ഷിക്കുന്നത്. രാജ്യത്തെ നാലാമത്തെ ഏറ്റവും ഉയർന്ന സ്മാർട്ട്ഫോൺ വിൽപ്പനക്കാരായി സെപ്റ്റംബർ പാദത്തിൽ മാത്രം വിൽപ്പനയിൽ 25% വാർഷിക വർധനവോടെ ഏകദേശം 5 ദശലക്ഷം യൂണിറ്റുകളായി.
SUMMARY: Apple to open fifth retail store in India
