സഞ്ചാരികളുടെ ശ്രദ്ധയ്ക്ക്; ബന്നാർഘട്ട മൃഗശാല പ്രവേശന ടിക്കറ്റ് നിരക്ക് ഓഗസ്റ്റ് മുതൽ വർധിക്കും

ബെംഗളൂരു: ബന്നാർഘട്ട മൃഗശാലയിലെ പ്രവേശന ടിക്കറ്റ് നിരക്ക് ഓഗസ്റ്റ് മുതൽ 20% വർധിക്കും. ഇതിനു കർണാടക മൃഗശാല അതോറിറ്റി അനുമതി നൽകി. ഓഗസ്റ്റ് 1 മുതൽ നിരക്ക് വർധന പ്രാബല്യത്തിൽ വന്നേക്കുമെന്ന് മൃഗശാല ഡയറക്ടർ എ.വി. സൂര്യ സെൻ അറിയിച്ചു.

നിലവിൽ പ്രായപൂർത്തിയായവർക്ക് 100 രൂപയാണ് ടിക്കറ്റ് നിരക്ക്. കുട്ടികൾ 50 രൂപയും മുതിർന്ന പൗരൻമാർ 60 രൂപയും നൽകണം. പ്രവർത്തന ചെലവ് വർധിക്കുന്ന സാഹചര്യത്തിലാണ് നടപടിയെന്ന് അധികൃതർ പ്രതികരിച്ചു. നേരത്തേ മൈസൂരു മൃഗശാലയിലും പ്രവേശന ടിക്കറ്റ് നിരക്ക് 20% വർധിപ്പിക്കാൻ തീരുമാനിച്ചിരുന്നു.

SUMMARY: Bannerghatta zoo entry fee likely to go up from August 1