ബൈക്കപകടം; പരുക്കേറ്റ് ചികിത്സയിലായിരുന്ന മലയാളി യുവാവ് മരിച്ചു

ബെംഗളൂരു: ബെംഗളൂരുവിലുണ്ടായ ബൈക്ക് അപകടത്തിൽ പരുക്കേറ്റ് ചികിത്സയിലായിരുന്ന യുവാവ് മരിച്ചു. കണ്ണൂര്‍ തളിപ്പറമ്പ് പന്നിയൂർ തുളുവൻകാട് വരാഹമൂർത്തി ക്ഷേത്രത്തിനു സമീപം തറമ്മൽ ബാലൻ – സുജ ദമ്പതികളുടെ മകൻ അഭിജിത്താണ് (24) മരിച്ചത്. ബെംഗളൂരുവിലെ ബേക്കറിയിൽ ജോലി ചെയ്യുകയായിരുന്നു അഭിജിത്ത്. ബെംഗളൂരു ലാവ സ്ട്രീറ്റ് ഹൊരട്ടഹരെയിൽ ഈമാസം 17നു രാത്രിയിലായിരുന്നു അപകടം. ബൈക്കിൽ നിന്നു തെറിച്ചുവീണ് പരുക്കേറ്റ അഭിജിത്തിനെ പോലീസ്  ആശുപത്രിയിലെത്തിച്ചിരുന്നു. മംഗളൂരുവിലെ ആശുപത്രിയിൽ ചികിത്സയിൽ കഴിയുന്നതിനിടെയാണ് മരിച്ചത്. സഹോദരൻ: അമൽജിത്ത്. മൃതദേഹം ഇന്ന് ചെറുകര പൊതുശ്‌മശാനത്തിൽ സംസ്‌കരിക്കും.
SUMMARY: Bike accident. Malayali youth dies after being treated for injuries