ബെംഗളൂരു: ബെംഗളൂരുവിലെ ജീവകാരുണ്യസാമൂഹിക സംഘടനയായ മലബാർ മുസ്ലിം അസോസിയേഷന്റെ (എംഎംഎ) 90–ാം വാർഷികാഘോഷം ശനിയാഴ്ച ഉച്ചയ്ക്ക് 2ന് ബാംഗ്ലൂർ സിറ്റി സർവകലാശാല ക്യാംപസിലെ ജ്ഞാനജ്യോതി സെൻട്രൽ കോളജ് ഓഡിറ്റോറിയത്തിൽ നടക്കും. മുഖ്യമന്ത്രി സിദ്ധരാമയ്യ ഉദ്ഘാടനം ചെയ്യും. ഉപമുഖ്യമന്ത്രി ഡി.കെ. ശിവകുമാർ, ആഭ്യന്തരമന്ത്രി ജി. പരമേശ്വര, സ്പീക്കർ യു.ടി. ഖാദർ, മന്ത്രിമാരായ രാമലിംഗ റെഡ്ഡി, പ്രിയങ്ക് ഖാർഗെ, എച്ച്.ഡി. മഹാദേവപ്പ, ദിനേശ് ഗുണ്ടു റാവു, ഭൈരതി സുരേഷ് തുടങ്ങിയവരും പങ്കെടുക്കും. കേരളത്തിൽനിന്ന് മുസ്ലീംലീഗ് നേതാക്കളായ പി.കെ. കുഞ്ഞാലിക്കുട്ടി, കെ.എം. ഷാജി എന്നിവര് പങ്കെടുക്കും.
ചടങ്ങിൽ 40-വർഷം തുടർച്ചയായി സംഘടനയുടെ പ്രസിഡന്റായി സേവനമനുഷ്ഠിക്കുന്ന ഡോ. എൻ.എ. മുഹമ്മദിനെ ആദരിക്കും. 90-വിദ്യാർഥികൾക്ക് സൈക്കിളും 60-വിദ്യാർഥികൾക്ക് ലാപ്ടോപ്പും വിതരണംചെയ്യും. എം.എ ഗഫൂർ, കണ്ണൂർ ആബിദ് എന്നിവർ നയിക്കുന്ന സംഗീതവിരുന്ന്, കളരിപ്പയറ്റ്, ഉറുമി വീശൽ, മിമിക്രി എന്നിവയുമുണ്ടാകും.
1935-ൽ ബെംഗളൂരുവിലെ പ്രവാസി മലയാളികൾ ചേർന്നാണ് മലബാർ മുസ്ലിം അസോസിയേഷൻ രൂപവത്കരിക്കുന്നത്. വിദ്യാഭ്യാസം, ജീവകാരുണ്യം, ഭവനനിർമാണം, ആരോഗ്യം എന്നീ വിവിധ മേഖലകളിലായി നിരവധി പ്രവർത്തനങ്ങളാണ് സംഘടന നടത്തിവരുന്നത്. ചാരിറ്റി ഹോം പദ്ധതിയിൽ ഓട്ടോറിക്ഷ, തയ്യല് മെഷീനുകള്, മറ്റു തൊഴിലുപകരണങ്ങൾ എന്നിവ വര്ഷംതോറും നല്കിവരാറുണ്ട്. റംസാൻ നോമ്പുകാലത്ത് റിലീഫ് കിറ്റ് വിതരണം, ചെറുകിട വ്യാപാരികൾക്ക് പലിശ രഹിത വായ്പകൾ എന്നിങ്ങനെയുള്ള പ്രവർത്തനങ്ങളും സംഘടനയുടെ കീഴിൽ നടത്തിവരുന്നുണ്ട്.
പാവപ്പെട്ടവര്ക്കുള്ള സൗജന്യ ഭവന പദ്ധതി അതിന്റെ നാലാം ഘട്ടത്തിലേക്ക് കടക്കുകയാണ്. ഇതിനോടകം കര്ണാടകയിലും കേരളത്തിലുമായി 15 വീടുകളോളം നിര്മാണം പൂര്ത്തിയാക്കി താക്കോല് കൈമാറിയിട്ടുണ്ട്. ബെംഗളൂരുവിലെ നീലസാന്ധ്രയില് 27 വീടുകള് വിതരണത്തിന് സജ്ജമാക്കിയിട്ടുണ്ട്.
90–ാം വാർഷികാഘോഷത്തിന്റെ വിപുലമായ നടത്തിപ്പിന് രൂപികരിച്ച സ്വാഗത സംഘത്തിന് ശാന്തിനഗര് എംഎല്എ എന്എ ഹാരിസ് ആണ് നേതൃത്വം നല്കുന്നത്.
വാർത്താസമ്മേളനത്തിൽ ജന. സെക്രട്ടറി ടി.സി. സിറാജ്, മീഡിയ സെക്രട്ടറി ഷംസുദ്ദീൻ കൂടാളി, വൈസ് പ്രസിഡന്റുമാരായ തൻവീർ മുഹമ്മദ്, അഡ്വ. ഷക്കീർ റഹ്മാൻ, സെക്രട്ടറിമാരായ പി.എം. ലത്തീഫ് ഹാജി, സുബൈർ കായക്കൊടി, പി.ആർ.ഒ. മുഹമ്മദ് മൗലവി എന്നിവരും പങ്കെടുത്തു.
SUMMARY: Chief Minister Siddaramaiah to inaugurate Malabar Muslim Association’s annual celebration tomorrow
ബെംഗളൂരു: ബെംഗളൂരുവിന് സമീപം ഹൊസ്കോട്ടയില് വാഹനാപകടത്തില് മരിച്ച രണ്ട് മലയാളി വിദ്യാര്ഥികളുടെ മൃതദേഹങ്ങള് ഹൊസകോട്ട സർക്കാർ ആശുപത്രിയിലെ പോസ്റ്റ്മോര്ട്ടത്തിന് ശേഷം…
തിരുവനന്തപുരം: താപനില ക്രമാതീതമായി ഉയരുന്ന സാഹചര്യത്തിൽ, സംസ്ഥാനത്ത് വെയിലത്ത് ജോലിയെടുക്കുന്ന തൊഴിലാളികളുടെ ജോലിസമയം പുനഃക്രമീകരിച്ചു. ഫെബ്രുവരി 12 മുതൽ മെയ്…
ബെംഗളൂരു: കേരളസമാജം ദൂരവാണിനഗർ വനിതാ വിഭാഗം സംഘടിപ്പിക്കുന്ന സൗജന്യ ഡെന്റൽ, സ്പീച് ആന്റ് ഹിയറിങ്ങ് ക്യാമ്പ് ഞായറാഴ്ച രാവിലെ 10…
തിരുവനന്തപുരം: മെഡിക്കൽ കോളേജിൽ ഡോക്ടർ ചമഞ്ഞെത്തിയ യുവതി പിടിയിൽ. ആശുപത്രിയിലെ സുരക്ഷാ ജീവനക്കാരാണ് യുവതിയെ പിടികൂടിയത്. ന്യൂറോ സർജനെന്ന വ്യാജേന…
ഭോപ്പാല്: മധ്യപ്രദേശില് ബജ്റംഗ്ദള് പ്രവര്ത്തകര് വാലന്റൈന്സ് ഡേ ആഘോഷവേദി അടിച്ചുതകര്ത്തു. ഇന്ഡോറിലെ നാര്സി മുന്ജി ഇന്സ്റ്റിറ്റ്യൂട്ടിലാണ് വിദ്യാര്ഥികളുടെ വാലന്റൈന്സ് ഡേ…
കൊല്ലം: കുറുനരിയുടെ ആക്രമണത്തില് ദമ്പതികള്ക്ക് പരുക്കേറ്റു. പുനലൂർ പ്ലാച്ചേരി പ്ലാവിള വീട്ടില് ബാബു, ഭാര്യ സജി എന്നിവർക്കാണ് പരുക്കേറ്റത്. മുഖത്തും…