ബെംഗളൂരു: ബെംഗളൂരു സർവകലാശാലയുടെ ജ്ഞാനഭാരതി കാമ്പസിൽ പൊതുവാഹനങ്ങൾ നിരോധിക്കണമെന്ന് സർക്കാരിനോട് ആവശ്യപ്പെട്ട് നിയമസഭാ കൗൺസിൽ ചെയർമാൻ ബസവരാജ് എസ്. ഹൊരട്ടി. ആഭ്യന്തര, ഗതാഗത മന്ത്രിമാർക്കും പോലീസ് കമ്മീഷണർക്കും ഇത് സംബന്ധിച്ച് അദ്ദേഹം കത്തയച്ചു. സർവകലാശാല വിസി ജയകര ഷെട്ടിയാണ് നിർദേശം മുമ്പോട്ട് വെച്ചതെന്ന് ഹൊരട്ടി പറഞ്ഞു.
കാമ്പസിനുള്ളിലെ പൊതുവാഹനങ്ങളുടെ സഞ്ചാരം അപകടങ്ങൾക്കും കടുത്ത മലിനീകരണത്തിനും കാരണമായിട്ടുണ്ട്. ഇത് അക്കാദമിക് പ്രവർത്തനങ്ങളെയും ബാധിച്ചിട്ടുണ്ട്. 2022-ൽ എംഎസ്‌സി വിദ്യാർഥി വാഹനാപകടത്തിൽ മരിച്ചതോടെയാണ് ക്യാമ്പസിനുള്ളിൽ വാഹനം നിരോധിക്കാനുള്ള ആവശ്യമുയർന്നത്. ഇതിനൊരു ശാശ്വത പരിഹാരമായി ക്യാമ്പസിനുള്ളിൽ മേൽപ്പാലം, അടിപ്പാതകൾ, സ്കൈവാക്കുകൾ എന്നിവയുടെ നിർമ്മാണം സർവകലാശാല അധികൃതർ സർക്കാരിനോട് ശുപാർശ ചെയ്തിരുന്നു. എന്നാൽ പിന്നീട് തുടർനടപടികളുണ്ടായില്ല.
നിലവിൽ സർവകലാശാല വൻ ഗതാഗതക്കുരുക്ക് ആണ് അനുഭവപ്പെടുന്നത്. ജ്ഞാനഭാരതി പ്രധാന റോഡിലുള്ള നാഗർഭാവി, ഉള്ളാൽ ജംഗ്ഷൻ, മൈസൂരു റോഡ് ജംഗ്ഷൻ എന്നിവ വഴിയാണ് പൊതുവാഹനങ്ങൾ ക്യാമ്പസ് റോഡിൽ പ്രവേശിക്കുന്നത്. ഇതിനൊരു പരിഹാരം സർക്കാർ ഉടൻ കണ്ടെത്തണമെന്ന് ഹോരട്ടി സർക്കാരിനോട് ആവശ്യപ്പെട്ടു.
TAGS: BENGALURU UPDATES| TRAFFIC| BAN
SUMMARY: Council chairman seeks ban on public vehicles inside jnanabharati campus
നിലമ്പൂര്‍: വോട്ടെണ്ണലിനു മണിക്കൂറുകൾ മാത്രം ശേഷിക്കെ യുഡിഎഫ് ക്രോസ് വോട്ട് ചെയ്തുവെന്ന ആരോപണവുമായി പി.വി. അൻവർ. തനിക്ക് ലഭിക്കേണ്ടിയിരുന്ന പതിനായിരത്തോളം…
ടെഹ്റാൻ: ആണവകേന്ദ്രങ്ങളിലെ അമേരിക്കൻ ആക്രമണത്തിന് പിന്നാലെ ഇറാൻ വിദേശകാര്യമന്ത്രി അബ്ബാസ് അരാഗ്ചി റഷ്യയിലേക്ക്. റഷ്യൻ പ്രസിഡന്റ് വ്ലാഡിമിർ പുട്ടിനുമായി തിങ്കളാഴ്ച…
പാലക്കാട്: കപ്പൂര്‍ വട്ടകുന്നിൽ ബൈക്കിൽ വന്ന യുവതിയെയും യുവാവിനെയും സദാചാര പോലീസ് ചമഞ്ഞ് ചോദ്യം ചെയ്തു മർദിച്ചസംഭവത്തില്‍ രണ്ടു പേർ…
ടെഹ്റാന്‍: പശ്ചിമേഷ്യയിലെ സംഘര്‍ഷം പുതിയതലത്തിലേക്ക് മാറുന്നു. ലോകത്തിലെ ഏറ്റവും നിര്‍ണായകമായ എണ്ണ ഇടനാഴിയായ ഹോര്‍മുസ് കടലിടുക്ക് അടക്കാന്‍ അടിയന്തരമായി ചേര്‍ന്ന…
കൊച്ചി: നിലമ്പൂരിലെ എല്‍ഡിഎഫ് സ്ഥാനാര്‍ത്ഥി എം സ്വരാജിനെ അനുകൂലിച്ച് ഫേസ്ബുക്കില്‍ പോസ്റ്റിട്ട എഴുത്തുകാരി ഹണി ഭാസ്‌കറിന് നേരെ അസഭ്യപ്രയോഗം നടത്തിയയാള്‍…
തിരുവനന്തപുരം: നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ച് എബിവിപി. സംസ്ഥാന സർക്കാർ പിഎം ശ്രീ പദ്ധതിയിൽ ഒപ്പ് വെക്കണമെന്ന്…