ബെംഗളൂരു: രേണുകസ്വാമി കൊലക്കേസിൽ ജാമ്യത്തിലിറങ്ങിയ നടൻ ദർശനും സുഹൃത്ത് പവിത്ര ഗൗഡയ്ക്കും സംസ്ഥാനത്തിന് പുറത്തേക്ക് യാത്ര ചെയ്യാൻ ബെംഗളൂരു സിറ്റി കോടതി അനുമതി നൽകി. മറ്റ് പ്രതികളോടൊപ്പം ഇരുവരെയും വെള്ളിയാഴ്ച പോലീസ് സുരക്ഷയിൽ 57-ാമത് സി.സി.എച്ച് കോടതിയിൽ ഹാജരാക്കിയിരുന്നു.
ജനുവരി 12നും 17നും ഇടയിൽ മൈസൂരുവിലേക്ക് പോകാൻ ദർശൻ കോടതിയുടെ അനുമതി തേടിയിരുന്നു. ബിസിനസ്സുമായി ബന്ധപ്പെട്ട് മുംബൈയിലും ഡൽഹിയിലും പോകാനും ഒരു മാസത്തേക്ക് ക്ഷേത്രങ്ങൾ സന്ദർശിക്കാനും പവിത്രയും അനുമതി ആവശ്യപ്പെട്ടിരുന്നു.
കർണാടക ഹൈക്കോടതി നിശ്ചയിച്ച ജാമ്യ വ്യവസ്ഥകൾ പ്രകാരം, കോടതി അനുമതിയില്ലാതെ പ്രതികൾക്ക് ബെംഗളൂരുവിന് പുറത്തേക്ക് യാത്ര ചെയ്യാൻ കഴിയില്ല. എല്ലാ മാസവും വിചാരണ കോടതിയിൽ ഹാജരാകണമെന്നും ഹൈക്കോടതി നിർദ്ദേശിച്ചിട്ടുണ്ട്. എന്നാൽ നിശ്ചിത കാലയളവിൽ പുറത്തേക്ക് പോകുന്നതിൽ തെറ്റില്ലെന്നും, ജാമ്യവ്യവസ്ഥ പാലിച്ചാൽ മതിയെന്നും സിറ്റി കോടതി വ്യക്തമാക്കി.
TAGS: KARNATAKA | DARSHAN THOOGUDEEPA
SUMMARY: Bengaluru court allows Darshan, Pavithra to travel outside state
WhatsApp
Telegram
