റാപ്പര്‍ വേടന്‍റെ വിവാഹ തീയതി പ്രഖ്യാപിച്ച്‌ സിപിഎം സംസ്ഥാന സെക്രട്ടറി എം.വി ഗോവിന്ദന്‍

കണ്ണൂർ: റാപ്പര്‍ വേടന്‍റെ വിവാഹ തീയതി പ്രഖ്യാപിച്ച്‌ സിപിഎം സംസ്ഥാന സെക്രട്ടറി എം.വി ഗോവിന്ദന്‍, തളിപ്പറമ്പിലെ ഹാപ്പിനെസ്സ് ഫെസ്റ്റ് സമാപന വേദിയിലായിരുന്നു പ്രഖ്യാപനം. യുവ എഴുത്തുകാരി നവമി ലതയാണ് വധു. ഇരുവരും ഏറെ നാളായി പ്രണയത്തിലാണ്. പൊതുവേദികളില്‍ വേടനൊപ്പം നവമി ലതയും എത്താറുണ്ട്. മോണലോവ എന്നാണ് വേടന്‍ തന്റെ കാമുകിയെ വിശേഷിപ്പിച്ചത്.

മോണലോവയെ കുറിച്ച്‌ ഒരു ആല്‍ബം അടക്കം വേടന്‍ പുറത്തിറക്കിയിരുന്നു. ഫെബ്രുവരി 24ാം തീയതി തൃശൂരില്‍ വെച്ചാണ് കല്യാണം നടക്കുന്നത്. തൃശൂര്‍ സ്വദേശിയാണ് വേടന്‍. ആരെയും അറിയിക്കാതെ തൃശൂരില്‍ ലളിതമായ ചടങ്ങുകളോടെ വിവാഹം നടത്താനായിരുന്നു ഇരുവരും പദ്ധതി ഇട്ടിരുന്നത്. എന്നാല്‍ എംവി ഗോവിന്ദന്‍ ഇക്കാര്യം പരസ്യമാക്കിയതോടെ പുറംലോകം അറിയുകയായിരുന്നു. സമൂഹ മാധ്യമങ്ങളിലും വേടന്റെ കല്യാണത്തിന് വലിയ പ്രചാരണം ലഭിക്കുന്നുണ്ട്.

മഞ്ഞുമ്മല്‍ ബോയ്‌സ് എന്ന ചിത്രത്തിലെ ഗാനത്തിന് സംസ്ഥാന ചലച്ചിത്ര പുരസ്‌കാരം ലഭിച്ചതിന്റെ സന്തോഷത്തിനു പിന്നാലെയാണ് വിവാഹ വാര്‍ത്തെയും പുറത്തുവരുന്നത്. പിതാവിനെ ചലച്ചിത്ര പുരസ്‌കാര വേദിയിലേക്കു വേടന്‍ ക്ഷണിച്ചത് ശ്രദ്ധേയമായിരുന്നു. വോയിസ് ഓഫ് വോയിസ്‌ലെസ് എന്ന പാട്ടിലൂടെയാണ് വേടന്‍ കൂടുതല്‍ ശ്രദ്ധേയനാകുന്നത്. സ്വതന്ത്ര സംഗീതത്തിലും സിനിമ പിന്നണി ഗാന രംഗത്തും വേടന്‍ ഒരുപോലെ ശ്രദ്ധ നേടിക്കഴിഞ്ഞു. അടിച്ചമര്‍ത്തപ്പെട്ടവരുടെ ആധുനിക ലോകത്തെ ശബ്ദമായിട്ടാണ് വേടനെ വിലയിരുത്തപ്പെടുന്നത്.

SUMMARY: CPM State Secretary M.V. Govindan announces rapper Vedan’s wedding date