ബെംഗളൂരു: രോഗിയുമായി ആശുപത്രിയിലേക്ക് പോകുകയായിരുന്ന ആംബുലൻസിന്റെ സഞ്ചാരം തടസ്സപ്പെടുത്തി പൊതുനിരത്തിൽ അപകടകരമായ ബൈക്ക് സ്റ്റണ്ട് നടത്തിയ യുവാക്കൾക്കെതിരെ ബെംഗളൂരു പോലീസ് അന്വേഷണം ആരംഭിച്ചു. ജൂലൈ 4 പുലർച്ചെയുണ്ടായ സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലായതോടെയാണ് പോലീസ് കേസെടുത്ത് അന്വേഷണം തുടങ്ങിയത്.
🚨Shocking Bengaluru Incident
A group of reckless youths allegedly blocked an ambulance by performing wheelies in front of Yeshwanthpur Railway Station around 3 AM, even as the siren was blaring. The ambulance was rushing a critical patient when four bikers obstructed the way,… pic.twitter.com/soFtG1FwHw
— Siraj Noorani (@sirajnoorani) July 6, 2026
വീഡിയോയിൽ നിരവധി ബൈക്ക് യാത്രക്കാർ റോഡിനെ സ്റ്റണ്ട് ട്രാക്കാക്കി മാറ്റി അപകടകരമായി വാഹനമോടിക്കുന്നതും ഇതുമൂലം ആംബുലൻസിന്റെ യാത്ര തടസ്സപ്പെടുന്നതും വ്യക്തമാണ്. രോഗിയെ വഹിച്ചുകൊണ്ടിരുന്ന ആംബുലൻസിന് വഴി നൽകാതെ യുവാക്കൾ സ്റ്റണ്ട് തുടരുന്നത് വ്യാപക വിമർശനത്തിന് ഇടയാക്കി.
സംഭവത്തിൽ ഉൾപ്പെട്ടവരെ തിരിച്ചറിയാനുള്ള നടപടികൾ പുരോഗമിക്കുകയാണെന്ന് പൊലീസ് അറിയിച്ചു. പൊതുജനങ്ങളുടെ ജീവൻ അപകടത്തിലാക്കുന്ന തരത്തിലുള്ള സ്റ്റണ്ടുകളും അടിയന്തരസേവന വാഹനങ്ങളുടെ യാത്ര തടസ്സപ്പെടുത്തുന്നതും ഗൗരവമായി കാണുമെന്നും കുറ്റക്കാർക്കെതിരെ നിയമനടപടി സ്വീകരിക്കുമെന്നും അധികൃതർ വ്യക്തമാക്കി.
SUMMARY: Dangerous bike stunt blocking ambulance; Police investigate after viral video
