എടയാര്‍ തീപിടിത്തം; സി ജി ലൂബ്രിക്കന്റ്‌സ് അടച്ചുപൂട്ടാൻ നിര്‍ദേശം

കൊച്ചി: എടയാർ വ്യവസായ മേഖലയില്‍ പാതാളം റെഗുലേറ്റർ കം ബ്രിഡ്ജിന് സമീപമുണ്ടായ തീപിടിത്തത്തില്‍ സി.ജി ലൂബ്രിക്കന്റ്‌സ് അടച്ചുപൂട്ടാൻ നിർദേശം. സുര‌ക്ഷാവീഴ്‌ച കണ്ടെത്തിയതിനെത്തുടർന്ന് ഫാക്‌ടറീസ് ആന്റ് ബോയിലേഴ്‌സ് വകുപ്പാണ് നിർദേശം നല്‍കിയത്. സുരക്ഷാമാനദണ്ഡങ്ങള്‍ പാലിക്കുംവരെ കമ്പനി തുറക്കരുതെന്നാണ് നിർദേശം.

ഡിസംബറില്‍ നടത്തേണ്ട കോയില്‍ ടെസ്റ്റിംഗ് കമ്പനി നടത്തിയിട്ടില്ലെന്നും കണ്ടെത്തിയിരുന്നു. സംഭവത്തില്‍ ഓയില്‍ കമ്പനിയുടെ ഭാഗത്ത് വീഴ്ച സംഭവിച്ചുവെന്ന് ജില്ലാ കളക്ടർ ജി. പ്രിയങ്ക കഴിഞ്ഞദിവസം ചൂണ്ടിക്കാട്ടിയിരുന്നു. സംഭവത്തേക്കുറിച്ചുള്ള പ്രാഥമികാന്വേഷണത്തില്‍ ഇക്കാര്യം വ്യക്തമായെന്നും കൂടുതല്‍ അന്വേഷണത്തിന് പോലീസിന് നിർദ്ദേശം നല്‍കിയിട്ടുണ്ടെന്നും അവർ അറിയിച്ചു.

SUMMARY: Edayar fire; CG Lubricants ordered to close