ഡല്ഹി: ആലപ്പുഴ സ്വദേശിയായ പരിസ്ഥിതി പ്രവര്ത്തക കൊല്ലക്കയില് ദേവകി അമ്മയ്ക്ക് പത്മശ്രീ. അണ്സങ് ഹീറോസ് വിഭാഗത്തില് 45 പേര്ക്കാണ് ഇത്തവണത്തെ പത്മശ്രീ പുരസ്കാരം. കുറുമ്പ ഗോത്ര വിഭാഗത്തിലെ ചിത്രകാരനായ നീലഗിരി സ്വദേശി ആര്. കൃഷ്ണനും മരണാനന്തര ബഹുമതിയായി പത്മശ്രീ ലഭിച്ചു.
അങ്കെ ഗൗഡ (കര്ണാടക), അര്മിഡ ഫെര്ണാണ്ടസ് (മഹാരാഷ്ട്ര), ഭഗ്വദാസ് റായ്ക്വാര് (മധ്യപ്രദേശ്), ബ്രിജ് ലാല് ഭട്ട് (ജമ്മു കശ്മീര്), ബുദ്രി താതി (ഛത്തീസ്ഗഡ്), ചരണ് ഹെംബ്രം (ഒഡീഷ), ചിരഞ്ജി ലാല് യാദവ് (ഉത്തര്പ്രദേശ്), ധാര്മിക് ലാല് ചുനിലാല് (ഗുജറാത്ത്) തുടങ്ങിയവര്ക്കും പത്മശ്രീ ലഭിച്ചു.
കൂടാതെ സ്തുത്യര്ഹ സേവനത്തിനുള്ള രാഷ്ട്രപതിയുടെ മെഡല് കേരളത്തില് നിന്ന് പത്തു പോലീസ് ഉദ്യോഗസ്ഥര്ക്കും മൂന്ന് ഫയര്ഫോഴ്സ് ഉദ്യോഗസ്ഥര്ക്കും ലഭിച്ചു. വിശിഷ്ട്യ സേവനത്തിനുള്ള രാഷ്ട്രപതിയുടെ മെഡല് കേരളാ പോലീസില് നിന്ന് എസ്.പി. ഷാനവാസ് അബ്ദുല് സാഹിബിനും കേരള ഫയര് സര്വീസില് നിന്ന് എം.രാജേന്ദ്രനാഥിനും ലഭിച്ചു.
SUMMARY: Environmental activist Kolkkayil Devaki Amma awarded Padma Shri
