വയനാട്: കനത്ത മഴയെ തുടർന്ന് വയനാട് ചുരത്തില്‍ മരം വീണ് ഗതാഗതം തടസപ്പെട്ടു. ചുരത്തിലെ രണ്ടാം വളവിലാണ് മരം വീണത്. പ്രദേശത്ത് ശക്തമായ മഴ തുടരുകയാണ്. കല്‍പ്പറ്റയില്‍ നിന്നും മുക്കത്ത് നിന്നുമുള്ള ഫയർഫോഴ്സ് പ്രദേശത്തേക്ക് തിരിച്ചിട്ടുണ്ടെന്നാണ് വിവരം.
എന്നാല്‍, ഒന്നര മണിക്കൂറായി പ്രദേശത്ത് തുടരുന്ന അതിശക്തമായ ഗതാഗതക്കുരുക്ക് കാരണം മരം മുറിച്ചുമാറ്റുന്നതിനായുള്ള നടപടികള്‍ ആരംഭിക്കാൻ ഇനിയും വൈകിയേക്കും. ഇതിനോടകം ചുരത്തില്‍ നിരവധി വാഹനങ്ങളാണ് കുടുങ്ങിക്കിടക്കുന്നത്. ചുരത്തിന്റെ ചെറുഭാഗങ്ങളിലെല്ലാം ഇപ്പോഴും അതീവ രൂക്ഷമായ ഗതാഗത തടസ്സമാണ് അനുഭവപ്പെടുന്നത്.
ഗതാഗതക്കുരുക്ക് പൂർണ്ണമായി മാറാൻ സമയമെടുക്കുമെന്നതിനാല്‍ ഡ്രൈവർമാർ പ്രത്യേക ജാഗ്രത പാലിക്കണമെന്ന് അധികൃതർ ആവശ്യപ്പെട്ടു. ഇരുവശത്തേക്കുമുള്ള വാഹനങ്ങള്‍ ലൈൻ പാലിച്ച്‌ മാത്രം മുന്നോട്ട് എടുക്കണം. ഓവർടേക്ക് ചെയ്യാൻ ശ്രമിക്കുന്നത് കൂടുതല്‍ കുരുക്കിന് ഇടയാക്കും.
SUMMARY: Heavy rain; Tree falls on Wayanad pass, causing major traffic jam
