കൊച്ചി: കൊച്ചിയില്‍ കോക്രോച്ച്‌ ജനതാ പാർട്ടിയുടെ സൗഹൃദ കൂട്ടായ്മയ്ക്ക് നീക്കം. ഇന്ന് വൈകിട്ട് മൂന്ന് മണിക്ക് മറൈൻ ഡ്രൈവില്‍ ഒത്തുചേരും എന്ന് ടെലഗ്രാം അക്കൗണ്ടില്‍ പ്രചാരണം. യോഗത്തിന്റെ അജണ്ടയടക്കം അറിയിച്ച്‌ ടെലഗ്രാമില്‍ സന്ദേശം പ്രത്യക്ഷപ്പെട്ടു. ആരാണ് പിന്നിലെന്ന് വ്യക്തമല്ല. ഇന്ന് കൊച്ചിയില്‍ അത്തരമൊരു കൂട്ടായ്മ ഉണ്ടായാല്‍ അത് രാജ്യത്തു തന്നെ ആദ്യ സംഭവമാകും.
ഇതുവരെ കോക്രോച്ച്‌ പാർട്ടിയുടെ പ്രവർത്തനം മുഴുവൻ സൈബർ ഇടത്തിലാണ്. ആദ്യമായി സംഘടിപ്പിക്കുന്ന ഈ വലിയ ഒത്തുചേരലിലൂടെ ഓണ്‍ലൈൻ കൂട്ടായ്മയിലെ പ്രവർത്തകർ തമ്മില്‍ പരസ്പരം പരിചയപ്പെടുകയും ആശയവിനിമയം നടത്തുകയുമാണ് പ്രധാന ലക്ഷ്യം. വരും ദിവസങ്ങളില്‍ ഈ ആക്ഷേപഹാസ്യ കൂട്ടായ്മയെ നിയമപരമായി ഒരു രാഷ്ട്രീയ സംഘടനയായി രജിസ്റ്റർ ചെയ്യുന്നതിനെക്കുറിച്ചുള്ള പ്രാഥമിക ചർച്ചകളും കണ്‍വെൻഷനില്‍ നടക്കും.
SUMMARY: Cockroach Janata Party to Kerala; First gathering of activists in Kochi
