ബെംഗളൂരു: ബെംഗളൂരുവിൽ വരുക ദിവസങ്ങളിൽ ശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. അടുത്ത മൂന്ന് ദിവസത്തേക്കാണ് ഐഎംഡി മഴ പ്രവചിച്ചിട്ടുള്ളത്. ഏപ്രിൽ 19 വരെ ബെംഗളൂരുവിൽ വ്യാപകമായ മഴ ലഭിച്ചേക്കും. 19ന് ശേഷം താപനില 33 ഡിഗ്രി സെൽഷ്യസിനും 34 ഡിഗ്രി സെൽഷ്യസിനും ഇടയിലായിരിക്കും. കുറഞ്ഞ താപനില 21 ഡിഗ്രി സെൽഷ്യസ് 22 ഡിഗ്രി സെൽഷ്യസിനായി തുടരും. ഏപ്രിൽ 22 വരെ കൂടിയ താപനില 34 ഡിഗ്രിക്കും 37 ഡിഗ്രിക്കും ഇടയിലായും കുറഞ്ഞ താപനില 23 ഡിഗ്രിക്കും 26 ഡിഗ്രിക്കും ഇടയിലായി അനുഭവപ്പെടുമെന്നും ഐഎംഡി അറിയിച്ചു.
കഴിഞ്ഞ ദിവസങ്ങളിൽ നഗരത്തിലെ ഒറ്റപ്പെട്ടയിടങ്ങളിൽ നേരിയ മഴ ലഭിച്ചിരുന്നു. ഏപ്രിൽ 15ന് സിറ്റി ഒബ്സര്‍വേറ്ററി 2.8 എംഎം മഴയും എച്ച്എഎൽ എയർപോർട്ട് റോഡിൽ 3.1 എംഎം മഴയും രാത്രി 11.30 വരെ രേഖപ്പെടുത്തി. അഞ്ച് ദിവസം നീണ്ടുനിന്ന വരണ്ട കാലാവസ്ഥയ്ക്ക് ശേഷമാണ് നഗരത്തിൽ ചൊവ്വാഴ്ച മികച്ച മഴ ലഭിച്ചത്. ബുധനാഴ്ച കൂടിയ താപനില 2 ഡിഗ്രി സെൽഷ്യസും കുറഞ്ഞ താപനില 23 ഡിഗ്രി സെൽഷ്യസും ആയിരുന്നു.
TAGS: BENGALURU | RAIN
SUMMARY: Heavy Rain to lash in Bengaluru coming days
