പഴയ വാഹനങ്ങൾക്കും എച്ച്.എസ്.ആര്‍.പി നിർബന്ധം: ഗതാഗത വകുപ്പ്

ബെംഗളൂരു: പഴയ വാഹനങ്ങൾക്ക് ഉയർന്ന സുരക്ഷ രജിസ്ട്രേഷൻ പ്ലേറ്റുകൾ (എച്ച്.എസ്.ആര്‍. പി) നിർബന്ധമല്ലെന്ന വാര്‍ത്തകള്‍ തള്ളി കര്‍ണാടക ഗതാഗത വകുപ്പ്. 2019 ഏപ്രിൽ 1 ന് മുമ്പ് രജിസ്റ്റർ ചെയ്ത എല്ലാ വാഹനങ്ങൾക്കും അതീവ സുരക്ഷ നമ്പര്‍ പ്ലേറ്റുകള്‍ (എച്ച്.എസ്.ആര്‍.പി) ഘടിപ്പിക്കൽ കേന്ദ്രം നിർബന്ധമാക്കിയിട്ടുണ്ടെന്ന് അഡീഷണൽ ട്രാൻസ്‌പോർട്ട് കമ്മീഷണർ (എൻഫോഴ്‌സ്‌മെന്റ്, സൗത്ത്) എംപി ഓംകാരേശ്വരി പറഞ്ഞു. കേന്ദ്ര നിര്‍ദേശം അനുസരിച്ച് എല്ലാ വാഹനങ്ങൾക്കും കർണാടക (എച്ച്.എസ്.ആര്‍.പി നിർബന്ധമാക്കിയിട്ടുണ്ട്. ഹൈകോടതിയിൽ ഇത് സംബന്ധിച്ച് കേസ് നടക്കുന്ന സാഹചര്യത്തില്‍ വകുപ്പ് ഉത്തരവ് നടപ്പാക്കിയിട്ടില്ല എന്ന് മാത്രം.

കേന്ദ്ര വിജ്ഞാപനത്തിൽ ഇതുവരെ സ്റ്റേ ഉത്തരവുകളൊന്നും പുറപ്പെടുവിച്ചിട്ടില്ല. 2023ൽ സമർപ്പിച്ച ഒരു റിട്ട് അപ്പീൽ കോടതി പരിഗണിക്കുകയും കൂടുതൽ നടപടികളെടുക്കുന്നതിൽനിന്ന് സംസ്ഥാനത്തെ വിലക്കുകയും ചെയ്തു. ഒറിജിനൽ എക്യുപ്‌മെന്‍റ് നിർമാതാക്കൾ വഴിയും അവരുടെ അംഗീകൃത ഡീലർമാർ വഴിയും മാത്രമേ വാഹനങ്ങൾ എച്ച്.എസ്.ആര്‍.പികൾ ഘടിപ്പിക്കാവൂ എന്ന ഉത്തരവിനെയാണ് ഹൈകോടതിയിൽ നല്‍കിയ അപ്പീലിൽ ചോദ്യം ചെയ്തത്. ടൈപ്പ് അപ്രൂവൽ സർട്ടിഫിക്കറ്റുകളുള്ള എല്ലാ ലൈസൻസുള്ള നമ്പർ പ്ലേറ്റ് നിർമാതാക്കൾക്കും പ്ലേറ്റുകൾ ഘടിപ്പിക്കാൻ അനുവാദമുണ്ടെന്ന് അപ്പീലില്‍ അവകാശപ്പെടുന്നു.
SUMMARY: HSRP mandatory for old vehicles too: Transport Department