ഹുൻസൂര്‍ ബസപകടം: മരിച്ചവരുടെ എണ്ണം നാലായി, അപകടത്തിൽപെട്ടത് കോഴിക്കോട് നിന്ന് ബെംഗളൂരുവിലേക്ക് പോയ ബസ്

ബെംഗളൂരു: മൈസൂരു -വീരാജ്പേട്ട പാതയിലെ ഹുന്‍സൂരിന് സമീപം വനപാതയില്‍ ഇന്ന് പുലര്‍ച്ചെയുണ്ടായ വാഹനാപകടത്തില്‍ മരിച്ചവരുടെ എണ്ണം നാലായി. കോഴിക്കോട് നിന്നും ബെംഗളുരുവിലേക്ക് വരികയായിരുന്ന സ്വകാര്യ സ്ലീപ്പർ ബസും സിമന്റ് ലോറിയും കൂട്ടിയിടിച്ചാണ് അപകടം. ഡിഎൽടി ട്രാവൽസിന്റെ ബസ് ആണ്‌ അപകടത്തിൽപെട്ടത്. ബസ് ഡ്രൈവർ മാനന്തവാടി പാലമൊക്ക് സ്വദേശി ശംസുദ്ധീൻ, ക്ലീനർ മലപ്പുറം നിലമ്പൂര്‍ പൂക്കൊടം പാടത്തെ പ്രിയേഷ്, രണ്ടു കർണാടക സ്വദേശികള്‍ എന്നിവരാണ് മരിച്ചത്.

അപകടത്തില്‍ ഇരുപതിലധികം പേർക്ക് പരുക്കേറ്റു. ഇവരെ മൈസൂരുവിലെ വിവിധ ആശുപത്രികളിൽ പ്രവേശിപ്പിച്ചു. പുലര്‍ച്ചെ 3.30ഓടെ ബെനകുപ്പേയിലാണ് അപകടം. കനത്ത മഴയും വനമാധ്യത്തിലും ആയതിനാൽ രക്ഷാപ്രവർത്തനം വൈകിയിരുന്നു.

SUMMARY: Hunsur bus accident: Death toll rises to four, bus heading from Kozhikode to Bengaluru involved in accident