ബെംഗളൂരു: കുടുംബവഴക്കിനെ തുടർന്ന് വീട്ടമ്മയെ ഭർത്താവ് കൊലപ്പെടുത്തി. തിങ്കളാഴ്ച രാത്രി അനേക്കൽ താലൂക്കിലെ രചമനഹള്ളി ഗ്രാമത്തിലാണ് സംഭവം. മൈസൂരുവിലെ വാണി വിലാസ് മാർക്കറ്റ് പ്രദേശത്തു നിന്നുള്ള അനിതയാണ് (27) കൊല്ലപ്പെട്ടത്. സംഭവത്തിൽ ഇവരുടെ ഭർത്താവ് ബാബുവിനെ പോലീസ് അറസ്റ്റ് ചെയ്തു.
ഒമ്പത് വർഷം മുമ്പാണ് ഇരുവരും വിവാഹിതരായത്. കുടുംബ കലഹങ്ങൾ കാരണം അനിത ഒരു മാസം മുമ്പ് ഭർത്താവിന്റെ വീട് വിട്ടുപോയിരുന്നു. കഴിഞ്ഞ ആഴ്ച ബാബുവിന്റെ കുടുംബം അനിതയെ തിരികെ കൊണ്ടുവന്നു. ഇതിന് ശേഷവും ദമ്പതികൾ പതിവായി വഴക്കിട്ടിരുന്നു.
തിങ്കളാഴ്ച നടന്ന വഴക്കിനിടെ ബാബു അനിതയെ കൊലപ്പെടുത്തുകയായിരുന്നു. ബാബുവിന് മറ്റൊരു ഭാര്യയും രണ്ട് കുട്ടികളുമുണ്ട്. ഇതാണ് ഇരുവരും തമ്മിലുള്ള വഴക്കിന്റെ കാരണമെന്ന് പോലീസ് പറഞ്ഞു. സംഭവത്തിൽ അത്തിബെലെ പോലീസ് കേസെടുത്തു.
TAGS: BENGALURU | CRIME
SUMMARY: Woman stabbed to death after domestic dispute
