ബെംഗളൂരു: ജീവിതപ്രതിസന്ധികളെ തരണം ചെയ്യാന് സഹായിക്കുന്നതു പ്രത്യാശയെന്നു പാസ്റ്റര് വര്ഗീസ് മാത്യൂ.ഇന്ത്യാ പെന്തെക്കൊസ്ത് ദൈവസഭ (ഐപിസി) കര്ണാടകയുടെ 39-ാമത് വാര്ഷിക കണ്വന്ഷന്റെ സമാപനത്തില് സംസാരിക്കുകയായിരുന്നു അദ്ദേഹം.വൈസ് പ്രസിഡന്റ് പാസ്റ്റര് കെ.വി. ജോസ് അധ്യക്ഷനായിരുന്നു.പാസ്റ്റര് അലക്സ് ജോണും പ്രസംഗിച്ചു. പാസ്റ്റര് ഡോ.വര്ഗീസ് ഫിലിപ്പ് തിരുവത്താഴ ശുശ്രൂഷയ്ക്ക് മുഖ്യ നേതൃത്വം നല്കി.
നാല് ദിവസമായി ഹൊറമാവ് അഗര ഐപിസി ഹെഡ്ക്വാര്ട്ടേഴ്സ് ഗ്രൗണ്ടില് നടന്ന
കണ്വന്ഷനില് പാസ്റ്റര്മാരായ കെ.വി. ജോസ്, പി.പി.ജോസഫ്,പി.സി. ചെറിയാന്, പാസ്റ്റര് ഡോ. വി.പി.ജോസ്, കന്നട പ്രഭാഷകരായ പാസ്റ്റര് വിന്സന്റ് അമല്ദാസ്, പാസ്റ്റര് പി.ശാമുവേല് എന്നിവര് പ്രസംഗിച്ചു.പാസ്റ്റര് ടൈറ്റസ് ചാക്കോ മൈസൂരു നേതൃത്വത്തില് കണ്വന്ഷന് ക്വയര് ഗാനശുശ്രൂഷ നിര്വഹിച്ചു.
കണ്വെന്ഷനില് ബൈബിള് ക്ലാസ്, പൊതുയോഗം, വുമണ്സ് ഫെലോഷിപ്പ് സമ്മേളനം, യുവജന വിഭാഗമായ പി.വൈ.പി.എ, സണ്ഡേസ്ക്കൂള് വാര്ഷിക സമ്മേളനം എന്നിവ നടത്തി. കര്ണാടകയുടെ ഇതരഭാഗങ്ങളില് നിന്നും നാലായിരത്തിലധികം ശുശ്രൂഷകരും വിശ്വാസികളും പങ്കെടുത്തു.
ജനറല് കണ്വീനര് പാസ്റ്റര് കെ.വി. ജോസ് ജോയിന്റ് കണ്വീനര്മാരായ പാസ്റ്റര് ജിജോയ് മാത്യു, ബിജു എം .പാറേല്, പബ്ലിസിറ്റി കണ്വീനര് പാസ്റ്റര് ജോര്ജ് ഏബ്രഹാം, ഐപിസി എക്സിക്യൂട്ടിവ് അംഗങ്ങളായ സെക്രട്ടറി പാസ്റ്റര് വര്ഗീസ് മാത്യൂ, ജോയിന്റ് സെക്രട്ടറി പി .പി . പോള്സണ്, ട്രഷറര് സജി പാറേല് എന്നിവര് നേതൃത്വം നല്കി.
SUMMARY: IPC Convention concludes
