ബെംഗളൂരു: ബെംഗളൂരുവില് 65 വയസ്സുള്ള സ്ത്രീയെ കൊല്ലപ്പെട്ട നിലയിലും വീട്ടുജോലിക്കാരനെ സംഭവസ്ഥലത്ത് തൂങ്ങി മരിച്ച നിലയിലും കണ്ടെത്തി. ബിടിഎം ലേഔട്ട് സെക്കന്റ് സ്റ്റേജിലെ കെഎഎസ് കോളനില് ഇന്നലെ പുലര്ച്ചെ നാലരയോടെ സംഭവം. സവിതാ ശങ്കറും (65), തമിഴ്നാട് ഹൊസൂര് സ്വദേശി ദേവരാജുവുമാണ് (50) മരിച്ചത്.
ദേവരാജു കഴിഞ്ഞ 10 വര്ഷമായി സ്ത്രീയുടെ വീട്ടില് ജോലി ചെയ്തു വരികയായിരുന്നു. ശനിയാഴ്ച അര്ദ്ധരാത്രിയോടെയാണ് കുറ്റകൃത്യം നടന്നതെന്ന് പോലീസ് പറഞ്ഞു പുലര്ച്ചെ സവിതയുടെ ഭര്ത്താവ് ദുബായില് നിന്നെത്തിയപ്പോഴാണു സംഭവം പുറത്തറിഞ്ഞത്. ഒന്നാം നിലയില് ഉറങ്ങിക്കിടക്കുകയായിരുന്ന 27 വയസ്സുള്ള മകള് ഇക്കാര്യം അറിഞ്ഞിരുന്നില്ല.
സംഭവത്തില് മൈക്കോ ലേഔട്ട് പോലീസ് കേസെടുത്തു. ബെംഗളൂരു ഈസ്റ്റ് പോലീസ് ജോയിന്റ് കമ്മിഷണര് രമേഷ് ബാനോട്ടിന്റെ നേതൃത്വത്തിലുള്ള പോലീസ് സംഘം സംഭവസ്ഥലത്തെത്തി തെളിവെടുത്തു. പ്രാഥമിക റിപ്പോര്ട്ടുകള് പ്രകാരം കുറ്റകൃത്യത്തില് ലൈംഗികാതിക്രമം ഉള്പ്പെട്ടിട്ടുണ്ടെന്നാണ് സൂചന. അന്വേഷണ ഉദ്യോഗസ്ഥര് വിവരങ്ങള് ശേഖരിച്ചുകൊണ്ടിരിക്കുകയാണ്.
SUMMARY: 65-year-old woman murdered, domestic helper found dead at the scene
