കർണാടക ആർ.ടി.സി. ബസ് ജീവനക്കാരുടെ സമരം ‘ബെംഗളൂരു ചലോ’ ഇന്ന്

ബെംഗളൂരു: 38-മാസത്തെ വേതന പരിഷ്കരണ കാലയളവിലെ കുടിശ്ശിക അനുവദിക്കണമെന്നാവശ്യപ്പെട്ട്‌ കർണാടക ആർ. ടി.സി, ബെംഗളൂരു മെട്രപൊളി റ്റൻ ട്രാൻസ്പോർട്ട് കോർപ്പറേഷൻ തുടങ്ങിയവയിലെ ഗതാഗത ജീവനക്കാർ ഇന്ന്  പണിമുടക്കും. ‘ബെംഗളൂരു ചലോ’ എന്ന് പേരിലാണ് പ്രതിഷേധം.

2024 ജനുവരി ഒന്നു മുതലുള്ള നാലുവർഷത്തെ വേതനക്കരാർ നടപ്പിലാക്കണമെന്നും തൊഴിലാളികൾ ഇക്കാര്യം ഉന്നയിച്ച് മുൻപ് ഒരു പണിമുടക്ക് നടന്നപ്പോൾ, ആവശ്യങ്ങൾ അംഗീകരിക്കുമെന്ന് സർക്കാർ തൊഴിലാളികൾക്ക് ഉറപ്പുനൽകിയിരുന്നു എന്നും എന്നാൽ, പിന്നീട് ഒരു നടപടിയും സ്വീകരിച്ചിട്ടില്ലെന്നും തൊഴിലാളികള്‍ ആരോപിക്കുന്നു.

അതേസമയം വ്യാഴാഴ്ച ജോലിക്ക് ഹാജരാകാതിരിക്കുന്നവർക്കെതിരേ ശമ്പളം വെട്ടിക്കുറയ്ക്കൽ ഉൾപ്പെടെയുള്ള അച്ചടക്കനടപടികൾ സ്വീകരിക്കുമെന്ന് കർണാടക ആർ.ടി.സി. എം.ഡി. അക്രം പാഷ മുന്നറിയിപ്പ് നൽകിയിട്ടുണ്ട്. ജോലിക്ക് ഹാജരാകാത്ത ജീവനക്കാരുടെ പട്ടിക തയ്യാറാക്കാനും അവർക്കെതിരേ നടപടിയെടുക്കാനും ഉദ്യോഗസ്ഥർക്ക് നിർദേശം നൽകി.
SUMMRAY: Karnataka RTC bus employees’ strike ‘Bengaluru Chalo’ today