ബെംഗളൂരു: കേരളസമാജം ദൂരവാണിനഗർ ഓണച്ചന്ത ഓഗസ്റ്റ്‌ 22 മുതൽ 25 വരെ 4 ദിവസം വീതം വിജിനപുര ജൂബിലി സ്‌കൂളിലും, എൻആർഐ ലേ ഔട്ടിലെ ജൂബിലി സിബിഎസ്ഇ സ്‌കൂളിലും നടക്കും. ഓഗസ്റ്റ്‌ 22 ന് രാവിലെ 10 മണിക്ക് വിജിനപുര ജൂബിലി സ്‌കൂളിലും, എൻആർഐലേ ഔട്ടിലെ ജൂബിലി സിബിഎസ്ഇ സ്‌കൂളിലും ചന്തയുടെ ഉദ്ഘാടനം നടക്കും.
നാടൻ ഏത്തപ്പഴം, ഏത്തക്കായ, വടുകപുളി നാരങ്ങ, നാടൻ തേങ്ങ, കപ്പ, ബനാന ചിപ്സ്, ശർക്കര പിരട്ടി, കപ്പ ചിപ്സ്, ഹലുവ, സമാജത്തിന്റെ വനിതാ വിഭാഗം തയാറാക്കുന്ന വിവിധ തരം അച്ചാറുകൾ, നാടൻ പലഹാരങ്ങൾ, എല്ലാ ദിവസവും ലഭ്യമാക്കുന്ന പായസം തുടങ്ങിയ വിവിധ ഓണവിഭവങ്ങൾ കുറഞ്ഞ വിലക്ക് ഓണച്ചന്തയിൽ ലഭ്യമാകും. ഇതു കൂടാതെ മറ്റു ബിസിനസ്സ് സ്ഥാപനങ്ങളുടെ സ്റ്റാളുകളും ചന്തയുടെ ആകർഷണമായിരിക്കും
എസ് വിശ്വനാഥൻ, കെ കെ പവിത്രൻ എന്നിവർ ഓണച്ചന്തയുടെ കൺവീനർമാരും രാധാകൃഷ്ണൻ ഉണ്ണിത്താൻ, രാജു എ യു, പുരുഷോത്തമൻ നായർ, പ്രസാദ് ഇ എന്നിവർ ജോയന്റ് കൺവീനർമാരുമാണ്.
SUMMARY: Kerala Samajam Dooravani Nagar Onachanda from August 22nd
