ബെംഗളൂരു: ബാംഗ്ലൂര് കേരളസമാജം ഓണാഘോഷങ്ങളുടെ ഭാഗമായി സംഘടിക്കുന്ന പൂക്കള മത്സരം ഇന്ദിരാനഗര് കൈരളീ നികേതന് ഓഡിറ്റോറിത്തില് സെപ്റ്റംബര് 14 ന് രാവിലെ 9.30 മുതല് ആരംഭിക്കും.
മത്സരത്തിന് പൂക്കളും ഇലകളും മാത്രമേ ഉപയോഗിക്കാന് പാടുള്ളൂ. പൂക്കളത്തിന് അനുവദിച്ചിരിക്കുന്ന പരമാവധി വലിപ്പം 5×5 അടിയാണ്. ഒരു ടീമില് അഞ്ചു പേര്ക്ക് പങ്കെടുക്കാം. ബെംഗളൂരു നിവാസികളെ മാത്രമേ മത്സരത്തില് പങ്കെടുക്കാന് അനുവദിക്കുകയുള്ളൂ.
ഒന്നാം സമ്മാനം 15,000 രൂപയും റോളിംഗ് ട്രോഫിയും രണ്ടാം സമ്മാനം 10000 രൂപയും ട്രോഫിയും മൂന്നാം സമ്മാനം 5000 രൂപയും ട്രോഫിയും 5 ടീമുകള്ക്ക് 2000 രൂപയും ട്രോഫിയും നല്കുമെന്ന് കേരള സമാജം ജനറല് സെക്രട്ടറി റജികുമാര്, കള്ച്ചറല് സെക്രട്ടറി മുരളിധരന് വി എന്നിവര് അറിയിച്ചു. മത്സരത്തില് പങ്കെടുക്കാന് ആഗ്രഹിക്കുന്നവര് സെപ്റ്റംബര് 10 ന് മുന്പായി പേര് രജിസ്ടര് ചെയ്യേണ്ടതാണ്.
ഇത് സംബന്ധിച്ച യോഗത്തില് കേരള സമാജം പ്രസിഡണ്ട് സി പി രാധാകൃഷ്ണന് അധ്യക്ഷത വഹിച്ചു . വൈസ് പ്രസിഡന്റ് സുധീഷ് പി കെ, ജനറല് സെക്രട്ടറി റജികുമാര്, ട്രഷറര് പി വി എന് ബാലകൃഷ്ണന്, ജോയിന്റ് സെക്രട്ടറി അനില് കുമാര് ഒ. കെ, അസിസ്റ്റന്റ്റ് സെക്രട്ടറി വി എല് ജോസഫ്, കള്ച്ചറല് സെക്രട്ടറി വി മുരളീധരന് തുടങ്ങിയവര് സംബന്ധിച്ചു. രജിസ്ട്രേഷന്:- +91 90363 39194,+91 87926 87607, 98861 81771
SUMMARY: Kerala Samajam Pookkala Mathsaram on 14th September
