ബെംഗളൂരു: പരിസ്ഥിതി സംരക്ഷണവും പ്ലാസ്റ്റിക് മാലിന്യ നിർമ്മാർജനവും ലക്ഷ്യമാക്കി ലയൺസ് ക്ലബ് ഓഫ് ബെംഗളൂരു ബഞ്ജാരയുടെ നേതൃത്വത്തിൽ ഹോരമാവ് അഗര ബസ് സ്റ്റാൻഡിൽ പ്ലാസ്റ്റിക് ബോട്ടിൽ കളക്ഷൻ ബിൻ സ്ഥാപിക്കുന്ന പദ്ധതിക്ക് നാളെ തുടക്കമാകും
പദ്ധതിയുടെ ഭാഗമായി ബെംഗളൂരുവിലെ വിവിധ പൊതുസ്ഥലങ്ങളിൽ 100 പ്ലാസ്റ്റിക് ബോട്ടിൽ കളക്ഷൻ ബിനുകൾ സ്ഥാപിക്കാനാണ് ലക്ഷ്യമിടുന്നത്. പദ്ധതിയുടെ ആദ്യ ബിൻ ലയൻസ് ക്ലബ് ബാംഗ്ലൂർ ബഞ്ചരയുടെ പ്രസിഡന്റ്‌ സുമേഷ് ഇന്റെ അധ്യക്ഷതയിൽ പ്രകാശ് അഗര ഉദ്ഘാടനം ചെയ്യും, ലയൺ ചിന്നപ്പ തോമസ്, ലയൻസ് ക്ലബ്, ഡിസി എന്‍വയോമെന്റും സോൺ ചെയർപേഴ്സനുമായ ലയൺ ഡോ. രതീഷ് വി എൽ എന്നിവര്‍ മുഖ്യാഥിതികൾ ആയിരിക്കും.
ഉപയോഗശൂന്യമായ പ്ലാസ്റ്റിക് കുപ്പികൾ പൊതുസ്ഥലങ്ങളിൽ വലിച്ചെറിയാതെ ഇത്തരം ബിനുകളിൽ നിക്ഷേപിക്കുന്നതിലൂടെ ശുചിത്വം ഉറപ്പാക്കാനും പ്ലാസ്റ്റിക് മലിനീകരണം കുറയ്ക്കാനും പൊതുജനങ്ങളുടെ സഹകരണം അഭ്യർഥിക്കുന്നതായി സംഘാടകർ അറിയിച്ചു.
SUMMARY: Lions Club of Bengaluru Banjara Plastic Bottle Collection Bin Project to be launched tomorrow
