കാസറഗോഡ്: കെഎസ്ആർടിസി ബസുകളില് സ്ത്രീകള്ക്ക് സൗജന്യ യാത്ര അനുവദിച്ചതിനെ തുടർന്ന് കനത്ത സാമ്പത്തിക നഷ്ടം നേരിടുന്നതായി ചൂണ്ടിക്കാട്ടി കാസറഗോഡ് ജില്ലയിലെ സ്വകാര്യ ബസുകള് തിങ്കളാഴ്ച പണിമുടക്കും. സ്വകാര്യ ബസ് വ്യവസായം സംരക്ഷിക്കുന്നതിനായി കേരള സ്റ്റേറ്റ് പ്രൈവറ്റ് ബസ് ഓപ്പറേറ്റേഴ്സ് ഫെഡറേഷൻ സർക്കാരിന് മുന്നില് വിവിധ നിർദേശങ്ങള് സമർപ്പിച്ചിട്ടുണ്ട്.
കെഎസ്ആർടിസി ഓർഡിനറി ബസുകളില് സ്ത്രീകള്ക്ക് സൗജന്യ യാത്ര ഏർപ്പെടുത്തുന്നതിനെതിരെ സ്വകാര്യ ബസുടമകള് നേരത്തേ തന്നെ പ്രതിഷേധവുമായി രംഗത്തെത്തിയിരുന്നു. ഈ തീരുമാനം കേരളത്തിലെ പൊതുഗതാഗത സംവിധാനത്തിന്റെ സമതുലിതാവസ്ഥ തകർക്കുമെന്നും ബസ് ഓപ്പറേറ്റേഴ്സ് സംഘടനാ ഭാരവാഹികള് മുന്നറിയിപ്പ് നല്കിയിരുന്നു.
സ്ത്രീകള്ക്കും ട്രാൻസ്ജെൻഡർ വിഭാഗങ്ങള്ക്കും കെഎസ്ആർടിസി ഓർഡിനറി ബസുകളില് സൗജന്യ യാത്ര അനുവദിച്ചുകൊണ്ടാണ് യുഡിഎഫ് സർക്കാർ ‘പ്രിയദർശിനി’ പദ്ധതി നടപ്പിലാക്കിയത്. ഈ പദ്ധതിയുടെ ഭാഗമായി സ്വകാര്യ ബസ് മേഖലയ്ക്ക് വലിയ തിരിച്ചടിയുണ്ടായെന്നാണ് ബസുടമകളുടെ ആരോപണം.
SUMMARY: KSRTC free travel scheme: Private buses in Kasaragod to strike on Monday
