ബെംഗളൂരു: ബെംഗളൂരുവിലെ ഏറ്റവും വലിയ ഷോപ്പിംഗ് വിസ്മയമായ ലുലു ബെംഗളൂരുവിലെ നാല് ദിവസം നീണ്ടുനില്ക്കുന്ന എൻഡ് ഓഫ് സീസൺ സെയിലിന് നാളെ തുടക്കം. 12 വരെ നടക്കുന്ന എൻഡ് ഓഫ് സീസൺ സെയിലിൽ ഏറ്റവും പുതിയ ഫാഷൻ ട്രെൻഡുകൾ, നൂതന ഇലക്ട്രോണിക് ഉൽപന്നങ്ങൾ, പലചരക്കു സാധനങ്ങൾ, വീട്ടുപകരണങ്ങൾ തുടങ്ങിയവ മിതമായ നിരക്കിൽ സ്വന്തമാക്കാം. വിവിധ ഉൽപന്നങ്ങൾക്ക് 50% വരെ കിഴിവുണ്ടാകും.
ബെംഗളൂരുവിലെ മുഴുവൻ ലുലു ശൃംഖലകളിലും എൻഡ് ഓഫ് സീസൺ സെയിൽ ഉണ്ടായിരിക്കും. ലുലു മാൾ രാജാജിനഗറിലെ ലുലു ഹൈപ്പർമാർക്കറ്റ്, എൽഎഫ്എസ്, ലുലു കണക്റ്റ് (അടുത്തുള്ള മെട്രോ സ്റ്റേഷൻ – ക്രാന്തിവീര സംഗൊള്ളി രായണ്ണ റെയിൽവേ സ്റ്റേഷൻ); വിആർ മാൾ വൈറ്റ്ഫീൽഡിലെ ലുലു ഡെയ്ലി, ലുലു കണക്റ്റ്, ആർഇഒ ഫാഷൻസ് (അടുത്തുള്ള മെട്രോ സ്റ്റേഷൻ – സിംഗയ്യനപാള്യ); ഫോറം സൗത്ത് ബെംഗളൂരു, ഫാൽക്കൺ സിറ്റിയിലെ ലുലു ഡെയ്ലി (അടുത്തുള്ള മെട്രോ സ്റ്റേഷൻ – കോണനകുണ്ടെ ക്രോസ്); എം5 ഇ-സിറ്റി മാൾ, ഇലക്ട്രോണിക് സിറ്റിയിലെ ലുലു ഡെയ്ലി (അടുത്തുള്ള മെട്രോ സ്റ്റേഷൻ – ഹുസ്കൂർ റോഡ്); ഗ്ലോബൽ മാൾസ് ഡിവിനിറ്റി, നയന്ധഹള്ളിയിലെ ലുലു ഡെയ്ലി (അടുത്തുള്ള മെട്രോ സ്റ്റേഷൻ – നയന്ധഹള്ളി); ഗോപാലൻ ഗ്രാൻഡ് മാൾ, സി വി രാമൻ നഗറിലെ ലുലു ഹൈപ്പർമാർക്കറ്റ് (അടുത്തുള്ള മെട്രോ സ്റ്റേഷൻ – ബെന്നിംഗനഹള്ളി). എന്നിങ്ങനെ എല്ലാ ഔട്ട്ലെറ്റുകളും അർധരാത്രി വരെ ഷോപ്പിങ് സമയം ദീര്ഘിപ്പിച്ചിട്ടുണ്ട്.
രാജാജിനഗറിലെ ഫ്ലാഗ്ഷിപ്പ് ലുലു മാൾ ബെംഗളൂരു ആഘോഷങ്ങളുടെ കേന്ദ്രമായിരിക്കും, നാലു ദിവസങ്ങളിലും തത്സമയ സംഗീതവും വിനോദവും ഉണ്ടാവും. കുടുംബങ്ങൾക്കായി, കർണാടകയിലെ ഏറ്റവും വലിയ ഇൻഡോർ അമ്യൂസ്മെന്റ് പാർക്ക് കൂടിയായ ലുലു ഫണ്ടുറയില് സന്ദർശകർക്കായി പ്രത്യേക പരിപാടികളും സമ്മാനങ്ങളും ഒരുക്കിയിട്ടുണ്ട്.
SUMMARY: Lulu Bengaluru’s end-of-season sale starts tomorrow
