ബെംഗളൂരു: ടെന്നിസ് താരം മഹേഷ് ഭൂപതി ഉൾപ്പെടെ 52 പേർ ബിബിഎംപിയുടെ നാദപ്രഭു കെംപെഗൗഡ പുരസ്കാരത്തിന് അർഹരായി. സിനിമ പിന്നണി ഗായിക സംഗീത കട്ടി, ഗ്രേറ്റർ ബെംഗളൂരു അതോറിറ്റിക്കു രൂപം നൽകിയ വിരമിച്ച ഐഎഎസ് ഉദ്യോഗസ്ഥരായ ബി.എസ്. പാട്ടീൽ, ജയകർ ജെറോം, സിദ്ധയ്യ, എസ്.ആർ. ഉമാശങ്കർ, വി. രവിചന്ദ്രൻ എന്നിവരും പുരസ്കാര ജേതാക്കളിൽ ഉൾപ്പെടുന്നു.
ഡോക്ടർമാർ, അഭിഭാഷകർ, മാധ്യമപ്രവർത്തകർ എന്നിവർക്കും പുരസ്കാരം ലഭിച്ചു. ഇന്ന് ബിബിഎംപി ആസ്ഥാനത്ത് നടക്കുന്ന ചടങ്ങിൽ ബെംഗളൂരു നഗര വികസനത്തിന്റെ ചുമതലയുള്ള ഉപമുഖ്യമന്ത്രി ഡി.കെ. ശിവകുമാർ പുരസ്കാരങ്ങൾ വിതരണം ചെയ്യും.
SUMMARY: Mahesh bhupathi among 52 people selected for BBMP’s Nadaprabhu Kempegowda Award.
