മലയാളി വിദ്യാർഥിയെ ബെംഗളൂരുവിൽ മരിച്ചനിലയിൽ കണ്ടെത്തി

ബെംഗളൂരു: മലയാളി വിദ്യാർഥിയെ ബെംഗളൂരുവിൽ താമസസ്ഥലത്ത് തൂങ്ങിമരിച്ച നിലയിൽ കണ്ടെത്തി. കണ്ണൂർ പാനൂർ വെള്ളങ്ങാട് മൊകേരി സ്വദേശി മൊട്ടേമൽ വീട്ടിൽ ഹരീന്ദ്രന്റെ മകനും ബെംഗളൂരു രാമയ്യ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ പ്രോജക്ട് ഡിസൈനർ അവസാന വർഷ ബിരുദ വിദ്യാർഥിയുമായ ഹൃദരാഗ് (23) ആണ് മരിച്ചത്.

ചൊവ്വാഴ്ച അർധരാത്രിയോടെ ജാലഹള്ളിയിലെ താമസസ്ഥലത്തെ കിടപ്പുമുറിയിലാണ് മൃതദേഹം കണ്ടെത്തിയത്. തുടർന്ന് സുഹൃത്തുക്കൾ ഗംഗമ്മഗുടി പോലീസിനെ വിവരമറിയിച്ചു. പോലീസ് ഇൻക്വസ്റ്റ് നടത്തിയ മൃതദേഹം ഐഐകെഎംസിസി പ്രവർത്തകരുടെ സഹായത്തോടെ രാമയ്യ ആശുപത്രിയിൽ പോസ്റ്റ്‌മോർട്ടം നടത്തിയ ശേഷം നാട്ടിലേക്ക് കൊണ്ടുപോയി. മാതാവ് രാഗിണി. സഹോദരി: ഹൃദന്യ.
SUMMARY: Malayali student found dead in Bengaluru

▪️ ആത്മഹത്യ ഒരു പ്രശ്നത്തിനും പരിഹാരമല്ല. നിങ്ങൾക്ക് എന്തെങ്കിലും തരത്തിലുള്ള വിഷമമുണ്ടെങ്കിൽ ദയവായി മാനസികാരോഗ്യ വിദഗ്ധരുടെ സഹായം തേടുക. 

Karnataka : Sahai (24-hour): 080 65000111, 080 65000222
Tamil Nadu : State health department’s suicide helpline: 104
Sneha Suicide Prevention Centre : 044-24640050 (listed as the sole suicide prevention helpline in Tamil Nadu)
Andhra Pradesh : Life Suicide Prevention: 78930 78930, Roshni : 9166202000, 9127848584
Kerala : Maithri: 0484 2540530, Chaithram: 0484 2361161(Both are 24-hour helpline numbers)
Telangana : State government’s suicide prevention (tollfree): 104, Roshni: 040 66202000, 6620200, SEVA: 09441778290, 040 27504682 (between 9 am and 7 pm)