ഹൈദരാബാദ്: വിമാന യാത്രയ്ക്കിടെ മദ്യലഹരിയില്‍ എയര്‍ ഹോസ്റ്റസിനോട് മോശമായി പെരുമാറിയ മലയാളി ടെക്കി അറസ്റ്റില്‍ ദുബായിൽ നിന്ന് ഹൈദരാബാദിലേക്കുള്ള വിമാനത്തിൽ വച്ച് കഴിഞ്ഞ 28 നായിരുന്നു സംഭവം. ഇയാൾ വിമാനത്തിലെ ജീവനക്കാർക്കെതിരെ മോശം പരാമർശങ്ങൾ എഴുതിയ കുറിപ്പ് വിമാനത്തിൽ ഉപേക്ഷിക്കുകയും ചെയ്തതായും കണ്ടെത്തി. വിമാന യാത്രയ്ക്കിടെ സേവനങ്ങൾ നൽകുമ്പോൾ ഇയാൾ മോശമായി സ്പർശിച്ചുവെന്നാണ് ജീവനക്കാരിയുടെ പരാതി. അതേസമയം യാത്രക്കാരന്റെ വ്യക്തിവിവരങ്ങൾ പുറത്തുവന്നിട്ടില്ല.
30 വയസ് പ്രായമുള്ള ഇയാൾ മദ്യലഹരിയിലായിരുന്നു. വിമാനം ലാൻഡ് ചെയ്ത ശേഷം എയർഹോസ്റ്റസ് യാത്രക്കാരൻ്റെ മോശം പെരുമാറ്റം സംബന്ധിച്ച് ക്യാപ്റ്റനെയും ഗ്രൗണ്ട് സ്റ്റാഫിനെയും വിവരം അറിയിച്ചു. വിമാനത്തിന്റെ ലാൻഡിങ്ങിനു ശേഷം യാത്രക്കാരൻ തന്റെ പാസ്പോർട്ട് സീറ്റിൽ നഷ്ടപ്പെട്ടതായി പരാതിപ്പെട്ടതിനെ തുടർന്ന് ക്രൂ അംഗങ്ങൾ പരിശോധിച്ചപ്പോൾ, ക്രൂ അംഗങ്ങളെക്കുറിച്ച് അശ്ലീലവും അധിക്ഷേപകരവുമായ പരാമർശങ്ങൾ എഴുതിയ ഒരു കുറിപ്പ് കണ്ടെത്തുകയും ചെയ്തു. എയർഹോസ്റ്റസിൻ്റെ പരാതിയുടെ അടിസ്ഥാനത്തിൽ ആർജിഐ എയർപോർട്ട് പോലീസ് ഇയാളെ അറസ്റ്റ് ചെയ്തു. കോടതിയിൽ ഹാജരാക്കിയ ഇയാളെ ജുഡീഷ്യൽ കസ്റ്റഡിയിൽ വിട്ടു. നിലവിൽ സ്ത്രീത്വത്തെ അപമാനിക്കാൻ ശ്രമിച്ചു, ലൈംഗികാതിക്രമം എന്നീ കുറ്റങ്ങൾ ചുമത്തിയാണ് അറസ്റ്റ് രേഖപ്പെടുത്തിയിരിക്കുന്നത്.
SUMMARY: Malayali techie arrested for misbehaving with air hostess
തിരുവനന്തപുരം: രാഹുല്‍ മാങ്കൂട്ടം എംഎല്‍എക്കെതിരെ ലൈംഗിക പീഡന പരാതി നല്‍കിയ യുവതിയുടെ സൈബര്‍ അധിക്ഷേപ പരാതിയില്‍ കൂടുതല്‍ നടപടി ഉണ്ടാകുമെന്ന്…
തൃശൂര്‍: പുഴയിൽ ഒഴുക്കിൽപെട്ട ബന്ധുവിന്റെ കുട്ടിയെ രക്ഷപ്പെടുത്തിയ യുവാവ് മുങ്ങിമരിച്ചു. പാറക്കടവ് എളവൂർ സ്വദേശി കൊടുമ്പിള്ളി വീട്ടിൽ ജോഷിയുടെ മകൻ…
ബെംഗളൂരു: മൈസൂരു നഗരപ്രാന്തത്തിലുള്ള ബിഇഎംഎൽ കാമ്പസിനുള്ളിൽ കടുവയുടെ സാന്നിധ്യം സ്ഥിരീകരിച്ചു. കഴിഞ്ഞ ദിവസം പുലർച്ചെ 4 മണിയോടെ എഞ്ചിൻ സെക്ഷൻ…
തിരുവനന്തപുരം: രാഹുൽ മാങ്കൂട്ടത്തിലിനെതിരെ ലൈംഗിക പീഡന പരാതി നൽകിയ യുവതിയെ അധിക്ഷേപിച്ച കേസിൽ കോൺഗ്രസ് നേതാവ് സന്ദീപ് വാര്യരെയും പ്രതിചേർത്തു.…
കാരക്കുടി: തമിഴ്നാട് ശിവഗംഗാ ജില്ലയിൽ കാരക്കുടിക്ക് സമീപം ബസുകൾ നേർക്ക് നേർ കൂട്ടിയിടിച്ച് 9 പേർ മരിച്ചു. 40ലധികം പേർക്ക്…
ബെംഗളൂരു: കേരളസമാജം പ്രത്യേക വര്‍ഷിക പൊതുയോഗം ഇന്ദിരാനഗര്‍ കൈരളീ നികേതന്‍ ഓഡിറ്റോറിയത്തില്‍ നടന്നു. കേരള സമാജം പ്രസിഡണ്ട് എം ഹനീഫ്…