ഡല്‍ഹി: മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിനെ സംരക്ഷിക്കാൻ പ്രധാനമന്ത്രി നരേന്ദ്ര മോദി സർക്കാർ സംവിധാനങ്ങള്‍ ദുരുപയോഗം ചെയ്യുകയാണെന്ന് കോക്രോച്ച്‌ ജനതാ പാർട്ടി സ്ഥാപകൻ അഭിജീത് ദീപ്കെ. ഗ്യാനേഷ് കുമാറിന് രാഷ്ട്രപതിക്ക് പോലും ലഭിക്കാത്ത തരത്തിലുള്ള അസാധാരണ സുരക്ഷാ സംരക്ഷണമാണ് കേന്ദ്ര സർക്കാർ നല്‍കുന്നതെന്ന് ദീപ്കെ പറഞ്ഞ. സിജെപി, എസ്‌എഫ്‌ഐ, എഐഎസ്‌എഫ് എന്നീ സംഘടനകളുടെ സംയുക്ത വാർത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.
ഗ്യാനേഷ് കുമാറിനെ സംരക്ഷിക്കാനായി മുൻ മുഖ്യമന്ത്രിമാരെ വരെ പോലീസ് കസ്റ്റഡിയിലെടുക്കുന്ന സാഹചര്യം ഉണ്ടായെന്നും, എന്തിനാണ് ഇത്രയധികം സുരക്ഷയെന്ന് പ്രധാനമന്ത്രി മോദി വ്യക്തമാക്കണമെന്നും അദ്ദേഹം ആവശ്യപ്പെട്ടു. പ്രക്ഷോഭത്തിനെത്തുന്നവരെയെല്ലാം ശാരീരികമായി നേരിടാമെന്ന നിലപാടാണ് കേന്ദ്രത്തിന്റെ ഭാഗത്ത് നിന്ന് കാണുന്നത്. ഗ്യാനേശിന് വേണ്ടി ഡല്‍ഹി മുഴുവന്‍ കത്തിക്കാനും മോദി തയാറാണ്. അതിനും വേണ്ടി എന്ത് സഹായമാണ് ഗ്യാനേഷ് മോദിക്ക് ചെയ്ത് കൊടുത്തത്. തിരഞ്ഞെടുപ്പില്‍ ജയിക്കാന്‍ സഹായിച്ചതിലുള്ള പ്രത്യുപകാരമാണോ.
മോദി ഇത്ര പേടിതൊണ്ടന്‍ ആകരുത്. രാജ്യം ഇത് തിരിച്ചറിഞ്ഞു. ശാഖയില്‍ ഇതുവരെ ദേശീയ പതാക ഉയര്‍ത്തിട്ടില്ല. അത് കൊണ്ടാണ് തെരുവുകളില്‍ അത് കാണുമ്പോള്‍ തടയുന്നതെന്നും അഭിജിത് ദീപ്കെ കുറ്റപ്പെടുത്തി. മോദിക്ക് ഗ്യാനേഷ് ത്രിവര്‍ണ്ണ പതാകയെക്കാള്‍ പ്രധാനമാണോ?. പിണറായി, രാഹുല്‍ ഗാന്ധി എല്ലാവരെയും കസ്റ്റഡിയിലെടുത്തത് ഗ്യാനേശിനെ രക്ഷിക്കാന്‍.
എന്താണ് ഗ്യാനേഷ് മോദിക്കും അമിത് ഷാക്കും നല്‍കുന്നത്. ട്രെയിനുകള്‍ നിര്‍ത്തി, ഡല്‍ഹി അടച്ചു പൂട്ടി. പിണറായി വിജയന് ഉള്‍പ്പടെയുള്ള മുന്‍ മുഖ്യമന്ത്രിമാരെ ആക്രമിക്കുന്നു, വിദ്യാര്‍ഥികളെ തല്ലിച്ചതയ്ക്കുന്നു, പ്രതിഷേധിച്ചവരെ തിഹാര്‍ ജയിലില്‍ അടയ്ക്കുന്നു. ഇതൊക്കെ മോദി ഗ്യാനേശിന് വേണ്ടി ചെയ്യുന്നതാണ്. ഈ പ്രതിഷേധസ്വരങ്ങളെ മോദി ഭയക്കുകയാണെന്നും അദ്ദേഹം പറഞ്ഞു.
SUMMARY: Modi government uses state machinery to protect Gyanesh Kumar: Abhijit Deepke
